ESAIA 54:11 - Jinghpaw Common Language Bible 2009

¹¹ Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

Jinghpaw Hanson Version Bible

¹¹ Nni nkri hte, laru e ahpawt hkrum nna, shalan shabran n hkrum ai wa e, ngai gaw na a nlung ni hpe engade achyang hte, na a npawt nhpang ni hpe nila nlung hte gaw da na nngai:

ESAIA 54:11 ပူးပေါင်းရင်းမြစ်များ

1 HKAWHKAM 5:17

Hkawhkam wa hkang da ai hte maren Nawku Htingnu a npawt nhpang a matu tsawm ai nlung kaba ni hpe tawk ma ai.

1 HKAWHKAM 6:30

Dun hpe pyi ja hte sup da nga ai.

1 HKAWHKAM LABAU 29:2

Nawku Htingnu a matu ja, gumhpraw, magri mang, hpri, hpun ngau, manu dan ai nlung, lungseng, nsam amyu myu hte maka ka na nlung hte lung hpraw law law re ai arung arai ni hpe hkyen da na matu n-gun lagaw mahkra hte ngai lajang shajin da ni ai.

2 HKAWHKAM LABAU 3:6

Hkawhkam wa gaw dai Nawku Htingnu hpe tsawm nna manu dan ai lung seng hte Parwaim mung na jashawn ai ja ni hte mawn sumli da wu ai.

YOBA 28:16

Jet htum ai aja hte reng htum ai lung seng ni hte, De a manu hpe shabung lu ai n rai.

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

PRU MAT 2:23

Shaning tsawmra mi na jang, Egutu hkawhkam si mat sai, rai ti mung Israela amyu masha ni chyawm gaw shanhte a mayam lit kata hta naw madai nga ai hte karum la na matu hkrap sharung nga ma ai. Shanhte a jahtau hkrap ai nsen gaw Karai Kasang hpang de hkrang lung wa nna,

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

PRU MAT 3:2

Dai yang e, dai Madu a lamu kasa gaw sumwum hta na wan numli zawn shi kaw dan pru nga ai. Mawshe gaw dai shara hta sumwum wan chyi nga tim n hkru nga ai hpe mu wu ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

Shawlumon A Mahkawn Ga 5:14

Shi a lata ni gaw hkrang tsawm nga ai, shi gaw ja lung seng ni hte hkrep da ai lachyawp ni chyawp da nga ai. Shi a hkum hkrang gaw pri tsawm ai magwi kawng hte bung nga ai; dai hta nila ni hte sup da nga ai.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 49:14

Rai ti mung Yerusalem amyu masha ni gaw, “Dai Madu gaw anhte hpe kau da mani ai! Shi anhte hpe malap kau nu ai,” nga nna tsun ma ai.

ESAIA 51:21

Nni nkri hkrum sha nga ai Yerusalem na amyu masha ni e, nanhte gaw chyaru nang ai wa zawn ndi nda rai nga myit dai,

ESAIA 51:23

Ngai gaw dai hpe nang hpe dip gamyet nga ai ni hpe mung, nmaw lam ni hta nang hpe kaleng shangun nna, nang hpe ga nhpu zawn nawn da ai hte na ntsa e kabye anut lai wa shangun ai ni hpe jaw na nngai.”

ESAIA 54:12

Ngai gaw na a langchyi ni hpe patamya lung hkyeng ni hte mung, na a chyinghka ni hpe wan zawn tu gala ai nlung ni hte mung, nang hpe shinggrup da ai bunghku hpe hpu reng ai lung seng ni hte gaw da na nngai.

ESAIA 54:6

Israela e, nang gaw madu wa kabai kau nna, myit ru myit yak sung sung hkrum sha ai ram prat na madu jan zawn rai nga ndai. Rai ti mung, dai Madu gaw nang hpe shaga nna shi hpang de nhtang wa ai hte ning ngu tsun nga ai:

ESAIA 60:15

“Nang gaw galoi mung kau da nna n dawng ai hkrum sana n rai, Shagram kau da ai mare, katsi katsang mare tai sana n rai. Ngai gaw nang hpe galu kaba ai hte tsawm htap shangun na nngai, Htani htana prat dingsa kabu gara ai shara shatai na nngai.

YEREMIA 30:17

Ngai gaw nanhte hpe kalang mi bai hkam kaja shangun na nngai; Nanhte a gumlau hpyen ni, ‘Ziun gaw kau da ai hkrum nga ai; kadai mung shi hpe lanu lahku ai n rai,’ nga nna tsun ma ti mung, ngai gaw nanhte a ningma ni hpe shamai shatsai ya na we ai. Dai Madu ngai nan tsun ni ai,” nga ai.

SHARUNG SHAYAWT 1:21

“Nye a madai sharung ai nsen ni hpe madat ya et; ngai hpe shalan shabran la na langai mi mung n nga nga ai. Nang gaw nye a ntsa e ru yak tsin-yam tsindam shapraw dat nit dai majaw, nye a gumlau hpyen ni kabu nga ma ai. Nang ga sadi tawn da ai nhtoi hpe shadu nna, ngai hkam sha ai zawn nye a gumlau hpyen ni hpe nni nkri hkam sha shangun u.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 10:1

Ngai gaw hkrung kanu ni a baw ntsa na din ai lamu madin hte nila lung seng hte gaw da ai hkawhkam tingnyang zawn san ai shara lama mi hpe mada yu nngai.

MIHKA 7:11

Yerusalem masha ni e, mare bunghku bai gaw gap da ai aten du wa ra ai. Dai aten e, na a lamu ga jarit ni maden jat wa na ra ai.

MAHTE 8:24

Shaloi dai nawng e akajawng sha laru kaba ru wa nna, hka leng ni dai li hpe ka-up wa mu ai rai nna lup mat magang wa nga ai; rai ti mung Yesu gaw yup pyaw nga ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.