ESAIA 54:1 - Jinghpaw Common Language Bible 2009

¹ Yerusalem e, nang gaw maudung num zawn rai nga ndai, rai ti mung, ya chyawm gaw nang mahkawn mangoi lu nna, kabu gara jahtau lu nga ndai. Ya chyawm gaw, madu wa galoi mung n kau da yu ai numsha hta pyi grau nna kashu kasha lu na rai ndai.

Jinghpaw Hanson Version Bible

¹ “Kasha n shaprat ai maudung num e, mahkawn mangoi u; shinggyim machyi n hkrum ai num e, mahkawn mangoi let kabu jahtau u: kaning rai nme law, gram nga ai num gaw, madu wa lu ai num hta kashu kasha grau lu nga ai,” nga nna Yehowa tsun ai.

ESAIA 54:1 ပူးပေါင်းရင်းမြစ်များ

NINGPAWT NINGHPANG 21:6

Sara gaw, “Karai Kasang ngai hpe kabu shangun ai hte mani shangun ni ai; dai lam hpe na ai ni kadai mung ngai hte rau mani na mara ai,” ngu nna tsun wu ai.

SHAKAWN KUNGDAWN 113:9

Shi gaw maudung num dum nta hta dai jan hpe shagrau sha-a nna; kashu kasha shaprat shangun ai hte kabu gara shangun nga ai. Dai Madu hpe shakawn mu!

Shawlumon A Mahkawn Ga 8:8

Anhte kajan kaji langai lu ga ai; shi a chyu ni grai naw kaji nga ai. Shabrang langai shi hpe sa gaswi ai rai yang, anhte shi a matu kaning di na rai ta?

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 24:14

Naw ngam nga ai ni chyawm gaw kabu gara ai hte mahkawn mangoi lu na mara ai. Sinna maga de nga ai ni gaw dai Madu kade wa galu kaba nga ai lam tsun na mara ai,

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 49:13

Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

ESAIA 49:19

“Na a mungdan gaw hten run nna katsi katsang shara tai mat sai, rai ti mung, ya chyawm gaw dai mungdan gaw dai shara hta sa shanu nga na ni a matu shara nau pyi kaji mat na ra ai. Nang hten run mat ai majaw kau da ai ni gaw nang kaw na htawt sit kau hkrum na mara ai.

ESAIA 49:20

Bawng dung hkrum ai mung hta shangai wa ai na a amyu masha ni gaw lani mi na nhtoi hta nang hpe, ‘Ndai lamu ga gaw nau kaji nga ai, anhte ashang awang nga lu na matu nga shara naw ra ga ai!,’ nga nna tsun na mara ai.

ESAIA 62:4

Nang gaw galoi mung “Mare Dingsa” ngu bai shaga hkrum na sai n rai, Na a mungdan gaw “Kabai Da Hkrum Ai Madu Jan,” ngu nna tsun hkrum sana n rai. Na a mying nnan gaw “Karai Kasang gaw shi hpe awng sharawng nga ai,” ngu na ra ai. Na a mungdan gaw “Kabu gara ai hte hkungran la sai,” ngu shaga hkrum na ra ai; Dai Madu gaw nang hta awng sharawng nga ai majaw, Na a mungdan gaw madu wa langai zawn tai na ra ai.

ESAIA 66:7

“Nye a chyoi pra ai mare gaw shinggyim machyi garai n hkrum yang akajawng sha kasha shangai ai numsha hte bung nga ai.

ZEHPANI 3:14

Israela amyu masha ni e, kabu gara mahkawn mangoi ai hte jahtau garu nga mu! Yerusalem e, na a myit masin mahkra hte kabu awng sharawng nga u!

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

GALATI 4:27

Hpa majaw nga yang, Chyum Laika hta, “Kasha n shangai ai maudung num ni e, kabu gara nga mu! Shinggyim machyi galoi mung n hkrum ga ai num ni e, marawn nna kabu jahtau mu! Hpa majaw nga yang, shagram kau hkrum ai num gaw la lu ai num hta kashu kasha grau nna lu na ra ai.” nga nna ka da nga ai.

1 SAMUELA 2:5

Lang mi hkru hkru kat kat nga lai wa sai amyu masha ni lusha tam na matu, ya jang, shanhte nan nchyang shang nga masai, rai ti mung kawsi hpang gara ai ni kawsi hpang gara galoi mung hkrum na mara ai n rai. Dai maudung dung ai madu jan gaw kasha sanit shangai nu ai, rai ti mung law law a kanu chyawm gaw kasha langai mung n nga mat nga ai.