ESAIA 53:7 - Jinghpaw Common Language Bible 2009

⁷ “Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

Jinghpaw Hanson Version Bible

⁷ Shi adip arip hkrum timung, nni nkri hkrum yang, n-gup n hpaw ai nga nga ai; sat na matu dun sa wa ai sagu kasha zawn, mun rep ai wa a man e, atsin sha nga ai sagu zawn, shi n-gup n hpaw ai nga nga ai.

ESAIA 53:7 ပူးပေါင်းရင်းမြစ်များ

SHAKAWN KUNGDAWN 38:14

Ngai gaw na n na lu ai majaw, n htan ai na hpang wa hte bung nga nngai.

SHAKAWN KUNGDAWN 38:15

Rai ti mung, Madu e, ngai gaw nang hpe kam hpa nga nngai; nye a Madu Karai Kasang e, nang gaw ngai hpe htan ya na rin dai.

SHAKAWN KUNGDAWN 44:22

Rai ti mung, na a majaw anhte aten shagu sat kau ai hkrum nga ga ai; sat na san da hkrum ai sagu ni zawn, anhte nawn da ai hkrum nga ga ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

MARKU 14:61

Rai ti mung Yesu gaw atsin sha nga nna ga hkaw mi mung n htan wu ai. Bai Hkinjawng Agyi Kaba wa gaw, “A lu ai Karai Kasang a Kasha, Meshia nang rai nga n ni?,” ngu nna shi hpe san wu ai.

MARKU 15:5

Yesu chyawm gaw, ga hkaw mi mung bai n htan wu ai rai nna Pilat mau mat nga ai.

LUKA 23:9

Dai rai nna Herod gaw, Yesu hpe ga san ni law law san wu ai. Rai ti mung Yesu ga hkaw mi pyi n htan ya wu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 19:9

Dai rai nna htingnu nhku de bai shang nhtawm, Yesu hpe, “Nang kanang na sa wa n ta?,” ngu nna san wu ai. Rai ti mung Yesu gaw ga hkaw mi mung n htan wu ai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.

SHINGRAN 5:6

Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.