ESAIA 53:5 - Jinghpaw Common Language Bible 2009

⁵ Rai ti mung, anhte a yubak mara ni a majaw shi gaw hkala nba hkrum nga sai, anhte galaw ai n hkru ai amu a majaw kayat hkrum nga nu ai. Anhte gaw shi hkrum sha ai nni nkri ari a majaw mung, shi hkum ting htwi hkrum ai a majaw mung, shamai shatsai hkrum nga ga ai.

Jinghpaw Hanson Version Bible

⁵ Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

ESAIA 53:5 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

YOBA 33:24

Lamu kasa gaw matsan dum ai hte, “Shanhte hpe dat dat mu! Shanhte gaw katsan ga de yu wa ang ai ni n rai ma ai. Shanhte hpe shalawt dat kau ya na gawng malai ndai yang e nga nga ai,” ngu nna tsun na ra ai.

SHAKAWN KUNGDAWN 30:2

O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

GA SHAGAWP 20:30

Kalang lang, nchyi nmu re ai mahkrum madup hkrum hkra yang sha, anhte galaw man ai arawn alai ni hpe galai jashai la lu nga ai.

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 57:18

“Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.

ESAIA 6:7

Shi gaw dai grung nga ai wan n-ga hte nye a nten hpe ahtawk ya let, “Ndai hte na a nten hpe hkra ya sai, ya gaw na a mara mung n nga mat nit dai, na a yubak ni hpe raw dat kau ya sai,” ngu nna tsun ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

TARA JAHPRANG 11:2

Dai Madu hte rau nanhte hkrum kadup ai mahkrum madup lam a majaw nanhte sharin la lu manit dai shi a lam hpe dai ni adum nga mu. Dai gaw nanhte a kashu kasha ni n rai, dai mahkrum madup lu la sai nanhte she rai nga ai. Shi a galu kaba ai daru magam n-gun hte chyalai n-gun hte hpring ai shi a mauhpa magam amu ni hpe nanhte mu manit dai.

HEBRE 10:10

Yesu Hkristu gaw Karai Kasang galaw shangun mayu ai myit ra ai hku hte maren, shi a hkum hkrang nan hpe kalang mi hte yawng ngut hkra nawng ya kau ai a marang e, anhte yawng gaw yubak mara kaw na shachyoi shapra la ai hkrum lu saga ai.

HEBRE 10:14

Hpa majaw nga yang, shi gaw nawng ya ai hkungga langai mi hte shachyoi shapra la ai hkrum sai ni hpe prat dingsa na matu jahkum shatsup ya wu ai.

HEBRE 5:8

Shi gaw Karai Kasang a Kasha nan rai nga ai, rai ti mung nni nkri hkam ai hte madat mara ai lam hpe sharin la wu ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.