ESAIA 53:3 - Jinghpaw Common Language Bible 2009

³ Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

Jinghpaw Hanson Version Bible

³ Shi gaw masha ni e shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chye ai wa, shi rai nga ai: myi man kayin kau hkrum ai wa zawn shi rai nga nna, shatan nhkan hkrum nga ai; anhte mung shi hpe hpa n nawn ga ai.

ESAIA 53:3 ပူးပေါင်းရင်းမြစ်များ

SHAKAWN KUNGDAWN 69:29

Rai ti mung, ngai gaw machyi nga ai hte myit htum nga nngai; Karai Kasang e, ngai hpe pawn sharawt la nna, hkye hkrang la e!

SHAKAWN KUNGDAWN 88:4

Si hkyen wa nga ai kaga masha ni yawng zawn ngai rai nga nngai hte; nye a n-gun atsam ni yawng mung htawng mat nga li ai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 52:14

Shanhte gaw shi hpe mu ai shaloi, amyu masha law law hte gaw mau kajawng mat ma ai; shi gaw shinggyim hkum hkrang hte grai shai mat hkra, gawng shingyan hten mat nga ai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

ESAIA 53:4

“Rai ti mung shi gaw anhte hkam sha ang ai nni nkri hte anhte gun ang ai nchyi nmu hpe hkam sharang ya nga sai. Shi a nni nkri gaw Karai Kasang jaw ai ari rai nga ai ngu, aten shagu anhte myit nawn la ga ai.

MIHKA 5:1

Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

ZEHKARIA 11:8

Ngai hpe n dawng ai kaga sagu rem masum hpe n yu sharang lu ai majaw shanhte yawng hpe shata mi laman yeng seng kau nngai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 10:33

Shi gaw, “Madat mu anhte Yerusalem mare de lung wa nga ga ai; dai kaw Masha Kasha gaw hkinjawng agyi ni hte Tara Sara ni a lata de ap kau ai hkrum na ra ai. Shanhte shi hpe si na lam daw dan nna maigan amyu ni a lata de ap kau na maru ai.

MARKU 10:34

Shanhte gaw shi hpe asawng asang di nna, mayen mahtaw bun ai hte, shi hpe anu kayat nhtawm, sat kau na maru ai; rai ti mung masum ya nhtoi a hpang e shi bai hkrung rawt wa na ra ai,” ngu nna tsun mu ai.

MARKU 14:34

shi shanhte hpe, “Nye a myit masin hta si na daram yawn hkyen ai lam grai kaba nga ai rai nna, dai gaw ngai hpe ganoi noi pyi anyawp dang kau nga ai; nang e nga nga nna amaja nga mala,” ngu nna shanhte hpe tsun mu ai.

MARKU 15:19

Shanhte gaw shi a baw hpe mai-aw tawng hte kayat nna, shi hpe mayen mahtaw bun mu ai hte, lahput hput di let shi hpe nawku mu ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

LUKA 8:53

Ma gaw si mat sai hpe shanhte chye ma ai majaw, shi hpe asawng asang ngu nna mani kau mu ai.

LUKA 9:22

Shi shanhte hpe bai tsun mu ai gaw, “Dai Masha Kasha gaw, nni nkri law law wa hkrum nna, agyi salang ni, hkinjawng agyi ni, tara sara ni e nyet kau ai hkrum na hte, sat kau ai hkrum na ra ai; rai ti mung, masum ya nhtoi hta hkrung sharawt la ai hkrum na rai nga ai,” nga ai.

YAWHAN 11:35

Yesu hkrap ai.

YAWHAN 8:48

Shaloi Yuda masha ni gaw, “Nang gaw Samari masha rai ndai nga nna mung, nat shang ai wa rai nga nna mung, anhte tsun ai ga gaw jaw nga ai n rai ni?,” ngu nna Yesu hpe bai san mu ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.