ESAIA 53:11 - Jinghpaw Common Language Bible 2009

¹¹ Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

Jinghpaw Hanson Version Bible

¹¹ Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 53:11 ပူးပေါင်းရင်းမြစ်များ

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 49:3

Shi gaw ngai hpe, “Israela e, nang gaw nye a shangun ma rai nga ndai; na a majaw, masha ni ngai hpe shakawn kungdawn na mara ai,” ngu nna tsun wu ai.

ESAIA 52:13

Dai Madu gaw, “Nye a shangun ma gaw shi a amu hta dagraw la na ra ai; shi gaw shagrau shatsaw hkrum na ra ai.

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

ESAIA 53:8

Shi gaw rim hkrum ai hte dingnye hkrum nna si na matu dun sa wa hkrum nga ai, kadai mung shi a hpang jahtum na lam hpe n gawn nga sai. Shi gaw anhte a amyu masha ni a yubak mara ni a matu sat kau ai hkrum nu ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

YAWHAN 12:24

Nanhte hpe ngai kaja wa teng teng tsun made ai gaw, mam nhkyep gaw ga hta hkrat nna, n hten mat yang gaw langai sha arai nga ai; hten mat yang she asi law law si wa lu ai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

ROMA 4:24

Anhte a Madu Yesu hpe si mat ai ni kaw na hkrung sharawt la ai wa hpe kam sham ga ai majaw, ding hpring ai ngu nna hkap la hkrum sai anhte a matu mung sha-ang nna ka da nga ai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

1 YAWHAN 2:1

Ngai shu ngai sha ni e, nanhte yubak n galaw myit ga, ndai laika hpe nanhte hpang de ngai ka dat nngai, rai ti mung masha langai ngai yubak galaw hkrup a yang gaw, dai Kawa a man e anhte a matu hpyi nem tawngban ya ai wa, Yesu Hkristu ngu ai ding hpring ai Madu anhte lu ga ai.

2 YAWHAN 1:1

Asak kaba sai ngai salang wa kaw nna, teng man ai hku ngai tsaw ra nga ai Karai Kasang e lata la hkrum ai Majan hte shi kashu kasha ni hpang de ga shana dat nngai. Nang hpe ngai chyu sha n rai, teng man ai lam ni hpe chye chyang ai ni yawng mayawng kaja wa tsaw ra nga ma ai.

2 YAWHAN 1:3

Kawa Karai Kasang kaw nna mung, dai Kawa a Kasha Yesu Hkristu kaw nna mung, dai chyeju hte, matsan dum ai hte ngwi pyaw ai lam gaw teng man ai lam hpe chye nna shada da tsaw ra nga ai anhte hte rau anga nga u ga law.