ESAIA 52:6 - Jinghpaw Common Language Bible 2009

⁶ Aten du ai shaloi, ngai gaw nanhte hpe ga shaga ai Karai Kasang rai nga nngai hpe nanhte yin la na rai myit dai,” ngu nna tsun ai.

Jinghpaw Hanson Version Bible

⁶ Nye a amyu mahtang, nye a amying nsang hpe chye na ra ai: ga tsun ai wa gaw ngai nan rai nga nngai, dai shani e jang, shanhte chye lu na mara ai: yu u, ngai nang e rai nga nngai,” nga nna Yehowa tsun nga ai.

ESAIA 52:6 ပူးပေါင်းရင်းမြစ်များ

SHAKAWN KUNGDAWN 48:10

Nang gaw shara shagu hkan nga nga ai amyu masha ni a shakawn kungdawn ai hkrum nga ndai; na a mying nsang aga ting hta kajai gumhkawng nga ai, nang gaw teng man ai tara hte up hkang nga ndai.

PRU MAT 3:13

Rai ti mung Mawshe gaw, “Israela amyu masha ni hpang de ngai sa du nna shanhte hpe, ‘Nanhte a nji nwa ni a Karai Kasang gaw nanhte hpang de ngai hpe shangun dat ni ai,’ ngu nna tsun ai shaloi, shanhte ngai hpe, ‘Shi a amying kaning nga a ta?,’ nga nna ngai hpe san dam yang, ngai shanhte hpe kaning ngu tsun lu na rai nga a ta?,” ngu nna htan wu ai.

PRU MAT 33:19

Dai Madu gaw, “Nang hte na a man e nye a hkik hkam ai hpung shingkang nhtoi yawng hpe ngai shalai dat nna, nye a chyoi pra ai amying hpe ngai shapraw na we ai. Ngai gaw dai Madu rai nga nngai rai nna ngai lata la ai ni hpe matsan dum ai wa hpe matsan dum ai myit ngai madun dan na nngai.

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

EZEKELA 20:44

Nye a arawng sadang hpe makawp maga na matu, ngai galaw ai shaloi, ngai nan dai Madu rai nga nngai hpe nanhte Israela amyu masha ni chye lu na marin dai, hpa majaw nga yang nanhte galaw ai n hkru n shawp lam hte n hkru ai amu ni a majaw hkam la ging ai hte maren ngai nanhte hpe di ai n rai. Dai Tsaw Htum ai Madu nan tsun nu ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.