ESAIA 52:4 - Jinghpaw Common Language Bible 2009

⁴ Nanhte gaw maigan masha ni zawn Egutu mung hta sa shanu nga myit dai shaloi, nanhte myit ra ai hku galaw manit dai; hpa mi rai tim, Asuri gaw nanhte hpe n-gun hte adip arip woi mat wa nna nanhte a matu manu jahpu hpa mung n jaw nga ma ai.

Jinghpaw Hanson Version Bible

⁴ Bai Madu Yehowa ning nga ai: “Nye a amyu masha ni gaw, Egutu mung e shanu nga na matu, moi shawng e yu wa ma ai; dai hpang Asuri masha ni gaw, shanhte hpe pagawn adip arip di kau mu ai.”

ESAIA 52:4 ပူးပေါင်းရင်းမြစ်များ

NINGPAWT NINGHPANG 46:6

Shanhte mung Hkanan mung na shanhte lu ai yam nga ni hte sut gan arung arai ni hpe la nna, Egutu mung de sa mat wa ma ai. Yaku mung shi hte rau shi a amyu matu ni yawng rai nga ai,

NINGPAWT NINGHPANG 46:7

shadang sha ni, lasha, numsha, hte kashu ni yawng hpe woi mat wa wu ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

SHAKAWN KUNGDAWN 25:3

Nang hpe kam hpa ai ni hta sum ai lam n hkrum nga ai; nang hpe gumlang ai ni a ntsa e chyawm gaw tin tin du nga ai.

SHAKAWN KUNGDAWN 44:12

Na a amyu masha ni gaw manu kachyi mi sha dan nga ai ni hpe zawn nang shanhte hpe manu kachyi mi hte sha dut kau nga nit dai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YAWHAN 15:25

Rai ti mung dai gaw, ‘Mara n nga ti mung, shanhte ngai hpe n dawng n yawt ma ai,’ nga nna shanhte a Tara Laika hta ka da ai ga dik wa na matu rai nga ai.