ESAIA 52:3 - Jinghpaw Common Language Bible 2009

³ Tsaw Htum ai dai Madu gaw shi a amyu masha ni hpe, “Nanhte mayam tai nga myit dai shaloi, nanhte a matu gumhpraw manu n hkrat ra nga ai; dai hte maren, nanhte hpe shalawt dat na matu manu jahpu hkrat ra na ra ai n rai.

Jinghpaw Hanson Version Bible

³ Kaning rai nme law, Yehowa ning nga ai: “Nanhte gaw jahpu n hpyi ai, dut kau hkrum ai rai nna, gumhpraw n hkrat ai, hkye hkrang la ai hkrum na marin dai.”

ESAIA 52:3 ပူးပေါင်းရင်းမြစ်များ

SHAKAWN KUNGDAWN 44:12

Na a amyu masha ni gaw manu kachyi mi sha dan nga ai ni hpe zawn nang shanhte hpe manu kachyi mi hte sha dut kau nga nit dai.

SHAKAWN KUNGDAWN 44:13

Anhte a htingbu ni gaw nang anhte hpe kaning di kau sai lam hpe mu nga ma ai rai nna, shanhte gaw anhte hpe ashu ai hte mani asawng nga ma ai.

ESAIA 1:27

Dai Madu gaw ding man nga ai majaw, shi gaw Yerusalem hte dai mare na myit malai wa ai amyu masha hkum shagu hte hpe hkye hkrang la na ra ai.

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

ESAIA 63:4

Nye a amyu masha ni hpe hkye la na aten du nga sai; nye a gumlau hpyen ni hpe ari jaw na aten rai nga sai, ngu ngai daw dan ni ai.

YEREMIA 15:13

Dai Madu gaw ngai hpe, “Mungdan ting hta shanhte shut kau ai yubak ni a majaw, shanhte hpe ari jaw na matu nye a amyu masha ni a sut gan arung arai ni hpe magawn mat wa na gumlau hpyen ni hpe ngai dat dat na nngai.

EZEKELA 16:31

Nang gaw nmaw lam makau shagu hkan hpara sumla ni hpe nawku dingnyawm na shara gaw gap ndai hte shawa num amu shut hpyit nga ndai. Rai ti mung, nang gaw kaga shawa num ni zawn shinggan pru nna manu jahpu n la nga ndai.

EZEKELA 34:27

Hpun ni asi si wa nna yi sun hkauna ni nsi naisi ni shapraw ya na mara ai; kadai mung tinang a lamu ga hta shim lum ai hte shanu nga lu na mara ai. Nye a amyu masha ni a hpri saidawng ni hpe agrawp daw kau ya nna shanhte hpe mayam shatai nga ai ni a lata kaw na shalawt dat ai shaloi, ngai nan dai Madu rai nga nngai hpe shanhte chye lu na mara ai.

JAW JAU 25:54

Ndai hku nna shi n lawt lu sai rai yang, shi hte shi a kashu kasha ni bai du na Shalawt Dat ai Shaning hta mahtang shalawt dat ai hkrum na rai wu ai.

1 PETRU 1:18

Nanhte a kaji kawa ni kaw na hkan dagraw la ai manu n rawng ai asak hkrung lam a arawn asam hta na nanhte hpe hpa baw hte galai hkrang la sai lam nanhte chye nga myit dai. Dai gaw jahten sharun kau lu ai ja gumhpraw zawn re ai arai lama ma hte n rai,