ESAIA 51:9 - Jinghpaw Common Language Bible 2009

⁹ Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

Jinghpaw Hanson Version Bible

⁹ Yehowa a lata e, rawt u, rawt u, na a atsam dagraw u; moi chyaloi nhkoi na prat nhtoi ni hta zawn, rawt u; Rahab hpe kahtum gadaw di nna, baren numraw hpe galun ai wa gaw, nang rai nga ai, n rai ni?

ESAIA 51:9 ပူးပေါင်းရင်းမြစ်များ

YOBA 26:12

Shi a n-gun atsam hte panglai hpe kabrawng shangun nna, shi a kungkyang ai atsam hte Rahab numraw hpe shamyit kau nga ai.

YOBA 9:13

Karai Kasang a pawt sindawng ai gaw dinggrin rai nga ai. Shi gaw shi hpe ninghkap na matu panglai numraw ngu ai Rahab hpe karum ai shi a gumlau hpyen ni hpe agrawp mani kau wu ai.

SHAKAWN KUNGDAWN 21:13

Madu e, na a galu kaba ai n-gun atsam a majaw, anhte nang hpe shakawn ga ai! Anhte gaw na a daru magam n-gun atsam hpe mahkawn shakawn nga na ga ai law.

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

SHAKAWN KUNGDAWN 44:2

maigan masha ni hpe nang kaning rai shaden kau sai lam, shanhte a mungdan hta na a amyu masha ni hpe shanu nga na matu shara jahkrat ya sai lam, kaga amyu baw ni hpe nang ari jaw kau nna na a amyu masha ni hpe ngamu ngamai shangun nit dai.

SHAKAWN KUNGDAWN 44:23

Madu e, rawt u! Nang hpa rai yup pyaw nga n ta? Na a myit hpe shajin u! Anhte hpe htani htana hkum kau da nga et!

SHAKAWN KUNGDAWN 44:24

Nang gaw hpa rai anhte kaw na makoi nga n ta? Anhte a nni nkri hte ru tsang lam hpe hkum malap kau ya mi.

SHAKAWN KUNGDAWN 7:6

Madu e, Pawt sindawng ai hte rawt u! Nye a gumlau hpyen ni a sindawng kahtet ai hpe rawt ninghkap u; hprang u, ngai hpe karum la e! Nang hpyi ai gaw teng man rap ra ai lam rai nga ai.

SHAKAWN KUNGDAWN 77:5

Ngai gaw lai mat wa sai nhtoi ni hpe myit aru yu ai hte; lai mat wa sai shaning ni hpe myit dum nga nngai.

SHAKAWN KUNGDAWN 78:65

Jahtum e, Madu gaw yup nga ai kaw na yup hprang wa ai wa zawn; sabyi ntsin a majaw myit katu kahtet wa nna n-gun ja ai share shagan wa zawn hprang wa nga sai.

SHAKAWN KUNGDAWN 87:4

“Nye a ga hpe madat mara ai mungdan ni a jahpan hpe hta ai shaloi, Egutu mung hte Babelon yan hpe ngai shalawm la na ring ngai; Hpilisti, Turu hte Sudan amyu masha ni hpe, Yerusalem mare masha jahpan hta ngai sawn bang ya na nngai.”

SHAKAWN KUNGDAWN 89:10

Nang gaw hka numraw Rahab hpe agrawp kau ai hte dai hpe sat kau nga ndai; nang na a gumlau hpyen ni hpe na a chyahtum chyalai n-gun hte dang kau nga sai.

SHAKAWN KUNGDAWN 89:11

Sumsing lamu hte ginding aga gaw na a rai nga ai; mungkan ga hte dai hta nga ai arai yawng mayawng hte hpe mung nang galaw da nit dai.

SHAKAWN KUNGDAWN 93:1

Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 30:7

Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 51:5

Ngai gaw tin tin sa nna shanhte hpe hkye la na nngai; nye a awng padang lu la na aten ni wa nga sai. Ngai nan masha amyu baw ni a ntsa e up na nngai. Sumtsan mung na ni gaw ngai sa wa na matu ala nga ma ai; shanhte gaw shanhte hpe hkye la na matu myit mada ai hte ngai hpe ala nga ma ai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 53:1

Amyu masha ni gaw, “Anhte ya htawn tsun ai shiga hpe kadai wa kam nga sata? Ndai amu hta dai Madu a lata hpe kadai mu lu sata?

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

MIHKA 7:15

Madu e, nang gaw anhte hpe Egutu mung kaw nna woi shapraw wa ai shani hta nang galaw dan sai amu ni zawn anhte a matu mauhpa amu galaw dan mi.

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

LUKA 1:51

Shi a lahpum hte atsam pra di nna, gumrawng ai ni hpe tinang a myit hte maw mawn ai lam ni hte hpawn shabra kau nu ai.

YAWHAN 12:38

Ning rai byin ai gaw, “Madu e, anhte tsun ai ga hpe kadai kam ya a ta? Kadai wa kaw dai Madu a n-gun atsam shadan dan a ta?,” nga nna myihtoi Esaia tsun ai ga dik u ga, she byin wa sai.

KASA 7:7

Rai ti mung, shanhte hpe yam sha nga ai amyu masha ni hpe mung ngai jeyang na mawe ai. Dai hpang shanhte dai mung na pru wa nna, ndai yang e ngai hpe jaw jau lu na mara ai,” nga nna tsun ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

SHINGRAN 11:17

“Ya prat e, htawm hpang prat e dinggrin anga nga ai chyahtum chyalai n-gun rawng ai Madu Karai Kasang e, Nang gaw, na a daru magam atsam hpe lang nna mungkan hpe up hkang nga nit dai majaw, anhte nang hpe chyeju shakawn ga ai law!

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

TARA AGYI 6:13

Gidon gaw shi hpe, “Madu e, dai Madu anhte hte rau rai yang, hpa majaw ndai lam ni yawng anhte hta byin hkrum a ta? Dai Madu gaw anhte hpe Egutu mung na woi wa sai n rai ni?, nga nna anhte a kawa ni anhte hpe tsun dan ai mauhpa amu yawng mayawng gaw hpa baw rai mat nga a ni? Dai Madu gaw anhte hpe kau da nhtawm Midian masha ni a lata hta kabai kau da mani ai,” ngu nna ngai san mai nga nngai ngu tsun wu ai.