ESAIA 51:8 - Jinghpaw Common Language Bible 2009

⁸ shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

Jinghpaw Hanson Version Bible

⁸ kaning rai nme law, hpun nba hpe manut e sha kau ai zawn, shanhte hpe sha kau nna, sagu mun hpe shingtai e sha kau ai zawn, shanhte hpe sha kau na mara ai: nye a dinghpring ai lam chyawm gaw, htani htana e, nye a hkye hkrang la ai lam gaw, prat mi hte prat mi, agrin nga na ra ai.

ESAIA 51:8 ပူးပေါင်းရင်းမြစ်များ

YOBA 13:28

Dai lam a majaw, ngai gaw yat tsam mat ai hpun zawn, manut e sha jahten kau ai ntsa palawng zawn ngai mahtang hten mat nngai.

YOBA 4:19

Ga kagam hkrung kanu hte manut zawn jahten shaza kau lu ai ga nhpu arai ni hta shi kam na ra ai ngu, nang myit nawn da wu ni?

ESAIA 14:11

Nang gaw tingse sumpyi ni hte shagrau sha-a hkrum ga yu nit dai, rai ti mung ya chyawm gaw nang ndai katsan ga e rai nga nit dai. Nang gaw byet panep ntsa e kaleng taw nga ai hte latung nba hte htinggrum da hkrum nga ndai.”’

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 50:9

Tsaw Htum ai dai Madu gaw shi nan ngai hpe makawp maga ya nga ai- Kadai wa ngai hpe mara lu ai ngu sakse hkam lu nga a ta? Ngai hpe mara tam ai ni yawng hkoi mat na mara ai; shanhte gaw manut e sha kau hkrum ai sumpan zawn tsam mat na mara ai.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 54:9

“Noa a aten hta, ginding aga hpe galoi mung bai sha-u n sha-ing na matu ngai ga sadi da ni ai. Ya chyawm gaw, ngai nang hte masin bai n pawt na matu ga sadi da nngai; Ngai nang hpe daru mung n daru, ari mung jaw na n rai nngai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

HOSEA 5:12

Ngai gaw Israela hpe jahten kau nna Yuda masha ni hpe sharun shabyak kau na we ai.

LUKA 1:50

shi hpe hkrit kamyin ai ni a ntsa e, shu mashi shu masha prat du hkra matsan dum ai myit a madun nga ai.