ESAIA 51:4 - Jinghpaw Common Language Bible 2009

⁴ “Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

Jinghpaw Hanson Version Bible

⁴ Nye a amyu e, nye a ga madat mara la mu; nye a amyu baw ni e, nye a ga na la mu: tara langai mi ngai kaw nna pru na ra ai rai nna, nye a dinghpring ai lam amyu baw ni a nhtoi tai na ra ai.

ESAIA 51:4 ပူးပေါင်းရင်းမြစ်များ

SHAKAWN KUNGDAWN 106:5

Na a amyu masha ni a ngamu ngamai ai lam hpe mung, na a amyu baw a kabu gara ai lam hpe mung, nang madu da ai amyu masha ni a kabu gumrawng ai lam hpe mung ngai hpe mu mada shangun e law.

SHAKAWN KUNGDAWN 147:20

Shi gaw kaga amyu baw ni a matu, ndai zawn re ai lam n galaw ya wu ai rai nna; shanhte gaw shi a tara ni hpe n chye nga ma ai. Dai Madu hpe shakawn mu!

SHAKAWN KUNGDAWN 33:12

Dai Madu hpe shanhte a Karai Kasang shatai ai amyu baw gaw a nga ai; shi e lata la hkrum ai amyu masha ni gaw a lu nga ai!

SHAKAWN KUNGDAWN 50:7

“Nye a amyu masha ni e, madat mu, ngai ga tsun nga nngai; Israela e, ngai nang hpe mara madun ai sakse hkam na nngai; Ngai gaw Karai Kasang na a Karai Kasang rai nga nngai.

SHAKAWN KUNGDAWN 78:1

Nye a amyu masha ni e, nye a sharin shaga ai ga hpe madat la mu, ngai tsun ai ga hpe mung madat la mu.

PRU MAT 19:6

ngai hta chyu sha ap nawng da ai amyu masha ni tai ai hte nanhte gaw hkinjawng ni zawn ngai hpe daw jau na rai myit dai.”

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

ESAIA 1:27

Dai Madu gaw ding man nga ai majaw, shi gaw Yerusalem hte dai mare na myit malai wa ai amyu masha hkum shagu hte hpe hkye hkrang la na ra ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 26:2

Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

ESAIA 26:8

Anhte gaw na a myit hkan ga ai hte nang hpe myit mada ga ai; nang gaw anhte ra sharawng ai lam yawng rai nga ndai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

ESAIA 42:21

Dai Madu gaw hkye la na matu sharawng awng ai Karai Kasang rai nga ai, dai rai nna, shi gaw shi a tara ni hte sharin shaga lam ni hpe shagrau da nga ai, shi gaw shanhte hpe shagrau sha-a na matu shi a amyu masha ni hpe ra nga ai.

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 55:3

Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

1 KORINHTU 9:21

Dai hte maren, tara maigan ni kaw magam gun ai shaloi, shanhte hpe Hkristu hpang de lum la lu hkra, Yuda tara hpe n hkan ai sha tara maigan masha langai mi zawn ngai tai nngai. Ning ngu yang, ngai gaw Karai Kasang a tara n hkan n sa ai wa re ngu mayu ai n rai, kaja wa ngai gaw Hkristu a tara npu e nga ai wa rai nga nngai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.