ESAIA 51:22 - Jinghpaw Common Language Bible 2009

²² dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

Jinghpaw Hanson Version Bible

²² shi a amyu a matu, bawmung tai ai, na a Karai Kasang Madu Yehowa gaw ning nga ai: “Yu u, n di n da hkawm shangun ai gawm ngu ai, nye a n-yun bu ai gawm hpe, ngai na a lata na dawm la kau nna, htawm hpang de nang lu lu sa na n rai:

ESAIA 51:22 ပူးပေါင်းရင်းမြစ်များ

SHAKAWN KUNGDAWN 35:1

Madu e, ngai hpe ninghkap ai ni hpe ninghkap kau u; ngai hpe gasat ai ni hpe mung, gasat kau u.

SHAKAWN KUNGDAWN 60:3

Nang gaw na a amyu masha ni hpe nni nkri laja lana hkam sha shangun nit dai; anhte gaw chyaru nang ai ni zawn, ndi nda kayin hkawm nga ga ai.

GA SHAGAWP 22:23

Dai Madu gaw shanhte a amu hpe tsun karum ya na ra ai; shanhte a asak hpe jahkrit shama ai ni kadai hpe mung, shi sharim kau na ra ai.

ESAIA 29:9

Matut nna myit n su nga mu! Matut nna myi di nga mu! Sabyi n lu ti mung nang nga mu! Chyaru kahte mi n lu tim ndi nda rai nga mu!

ESAIA 3:12

Gumhpraw hkoi sha ai ni gaw nye a amyu masha ni hpe dip gamyet sha nga ma ai, shanhte a hka madu ni gaw shanhte hpe masu hkalem nga ma ai. Nye a amyu masha ni e, nanhte a ningbaw ni gaw nanhte hpe lam woi shadam nga ma ai, dai rai nna nanhte gaw gara hku kayin wa na lam n chye nga myit dai.

ESAIA 3:13

Dai Madu gaw shi a amu tsun na matu jin jin rai nga ai; shi gaw shi a amyu masha ni hpe jeyang na matu jin jin rai nga ai.

ESAIA 49:25

Dai Madu gaw, “Dai gaw ning rai byin wa na lam rai nga ai. Hpyenla wa a bawng masha ni gaw lawt wa lu na mara ai, gumshem ai wa a lanep gaw rim la hkrum na ra ai. Ngai hpe gasat ai wa kadai hpe mung ngai gasat na nngai, ngai gaw na a ma kaji ni hpe hkye mawai la na nngai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

YEREMIA 25:15

Dai Madu Israela a Karai Kasang gaw ngai hpe, “Ndai sabyi gawm hta nye a pawt sindawng ai hte jahpring da u. Dai hpe ngai nang hpe shangun dat ai masha amyu baw ni yawng hpang de la sa nna, dai gawm kaw na shanhte hpe lu shangun u.

YEREMIA 50:34

Rai ti mung, shanhte hpe hkye mawai la ai wa gaw n-gun rawng nga ai wa rai nna, shi a amying gaw Chyahtum Chyalai N-gun Rawng ai dai Madu rai nga ai. Shi hkum nan shanhte a amu hpe lit la nna, mungkan ga de ngwi pyaw sim sa lam jaw ya na ra ai, rai ti mung, Babelon masha ni hpang de gaw ru yak tsin-yam tsindam rai na ra ai,” ngu nna tsun ai.

YEREMIA 51:36

Dai rai nna dai Madu gaw Yerusalem amyu masha ni hpe, “Na a amu ngai lit la ya nhtawm, na a gumlau hpyen ni nang hpe di ai hte maren, shanhte hpe ngai matai htang na nngai. Ngai gaw Babelon mung a hka hpawk ni hpe jahkyet kau ya nna dai mung na hka nu hka ni hpe hkun hkraw shangun na nngai.

SHARUNG SHAYAWT 3:15

Shi ngai hpe jaw ai shahpa hte luhpa yawng gaw ahkup ahka nga ai nni nkri hkrai rai nga ai.

SHARUNG SHAYAWT 3:58

“Madu e, ngai hpe hkye mawai la na nang du sa nit dai hte nye a asak hpe hkye hkrang la nit dai.

EZEKELA 39:29

Nye a wenyi hpe Israela amyu masha ni a ntsa e ru bun nna ngai gaw shanhte kaw na galoi mung myi man bai kayin kau da na nngai n rai. Tsaw Htum ai dai Madu ngai nan tsun ni ai,” ngu nna tsun wu ai.

YOELA 3:2

Ngai gaw masha amyu baw ni yawng hpe jahpawng da nna, shanhte hpe Tara Jeyang ai Kadit de woi sa wa na nngai. Dai yang e, nye a amyu masha ni hpe shanhte galaw manu ai yawng mayawng a matu ngai shanhte hpe jeyang na nngai. Shanhte gaw Israela amyu masha ni hpe maigan mung de shaden kau nna nye a mungdan Israela hpe karan kau manu ai.

OBEDIA 1:16

Nye a amyu masha ni gaw nye a chyoi pra ai kawng ntsa e hka ai ari gawm lu masai. Rai ti mung grup yin masha amyu baw ni yawng grau hka ai ari gawm lu na mara ai; shanhte gaw dai yawng hte hpe lu kau nna wai mat na mara ai.

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

ZEHKARIA 12:2

“Ngai gaw Yerusalem hpe sabyi ntsin gawm mi zawn shatai na nngai; shing rai shi a grup yin na masha amyu baw ni lu nna chyaru nang ai ni zawn ndi nda rai na mara ai. Shanhte gaw Yerusalem hpe wang da mu yang, Yuda mung na naw ngam nga ai mare ni mung wang da ai hkrum na mara ai.

MAHTE 20:22

Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

1 SAMUELA 25:39

Nabala si mat sai shiga hpe Dawi na ai shaloi, shi gaw, “Dai Madu hpe shakawn mu! Shi gaw ngai hpe n kaw n law di ai Nabala hpe matai dawp nu ai hte shut hpyit amu galaw shapraw na shi a shangun ma ngai hpe mung hkum kau nu ai. Dai Madu gaw shi galaw ai n hkru ai amu a majaw Nabala hpe ari jaw kau nu ai,” ngu nna tsun wu ai. Dai hpang, Dawi gaw Abigala hpe hkungran la na matu kasa langai shangun dat wu ai.