ESAIA 51:19 - Jinghpaw Common Language Bible 2009

¹⁹ Tsin yam tsindam htam lahkawng na a ntsa e hkrat nga sai; na a mungdan gaw majan a majaw hten run mat sai, na a amyu masha ni hku hku masai. Nang hpe matsan yu dum la na masha kadai n nga nga ai.

Jinghpaw Hanson Version Bible

¹⁹ Katsi katsang hte marawng marang, hku wa hte ri nhtu, ndai lam lahkawng nang hkrum sha nna, na a matu sharung shayawt na kadai? Ngai nang hpe kaning rai shalan shabran lu na rai ta?

ESAIA 51:19 ပူးပေါင်းရင်းမြစ်များ

YOBA 2:11

Yoba a manang masum hte gaw Teman mare kaw nna Elihpaza, Shua mung na Bildad, Nama mung na Zohpa ni rai ma ai. Yoba gaw kade wa nni nkri hkrum sha nga sanu ai lam shanhte na ma yang, shanhte shi kaw sa nna shalan shabran na lam daw dan da ma ai.

YOBA 42:11

Yoba a kahpu kanau ni, kajan ni hte shawng de na manang ni yawng shi kaw sa chyai nhtawm shi hte rau shi a nta e rau lu rau sha nga ma ai. Shanhte gaw dai Madu shi hpe hkrum shangun ai ru yak tsin-yam tsindam mahkra a majaw, shanhte matsan yu dum ai lam tsun nna shi hpe shalan shabran ma ai. Shanhte langai hte langai mung shi hpe gumhpraw hte ja lachyawp langai ngai jaw ma ai.

SHAKAWN KUNGDAWN 69:20

N kaw n law re ai lam ni gaw nye a myit masin hpe gawng sharun ya nga ai majaw, ngai myit htum nga nngai. Matsan dum la na masha hpe ngai myit mada yu ni ai, rai ti mung, langai mi mung n nga nga ai; myit shalan shabran ya na matu mung, kadai hpe mung ngai n mu lu nngai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

ESAIA 14:30

Dai Madu gaw matsan mayan re ai shi a amyu masha ni a sagu rem wa langai tai na ra ai, shi gaw shanhte hpe shim lum ai hte nga shangun na ra ai. Rai ti mung shi gaw Hpilisti masha ni a ntsa e hkrit hpa hkuwa dat dat na ra ai, dai gaw kadai hpe mung asak hkrung nga shangun na ra ai n rai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

ESAIA 54:11

Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

ESAIA 60:18

Kashun kashe du daw sai hkaw ai nsen hpe galoi mung na lu sana n rai; Jahten shaza ai amu gaw na a mungdan hpe bai ga gamang kau na ra ai n rai. Ngai gaw nang hpe bunghku zawn makawp maga nna dahpran shara tai ya na nngai; Ngai gaw nang hpe hkye la ni ai majaw, nang ngai hpe shakawn kungdawn na rai ndai.

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

ESAIA 8:21

Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

YEREMIA 15:5

Dai Madu gaw, “Yerusalem amyu masha ni e, nang hpe kadai matsan dum nna, na a ntsa e kadai wa yawn na rai ta? Nang hkam kaja nga n ni?, nga nna kadai wa shayan san na rai ta?

YEREMIA 24:10

Shanhte hte shanhte a kaji kawa ni hpe ngai jaw da sai mungdan hta shanhte hta na langai mi mung n ngam mat hkra shanhte hpang de hpyen majan, kawsi hpang gara ai hte ana zinli ni shabyin dat na nngai,” ngu nna tsun ai.

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

SHARUNG SHAYAWT 3:47

Anhte gaw ru yak tsin-yam tsindam hte hten byak lam hku lai mat wa saga ai; anhte gaw shoihpa shoirang hte hkrit gari ai hta shanu nga ga ai.

EZEKELA 14:15

“Shing n rai, ngai gaw amyu masha ni hpe kawa amya sat na matu matse labye ni hpe shangun dat nhtawm, dai mungdan hta kadai mung n lai hkawm lu hkra, hkrit hpa shara shatai kau na we ai,

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

AMO LAIKA (AMOS) 7:2

Nye a shingran hta dinggam-yaw ni mungdan na tsit lali ai lap yawng sha kau nga ai hpe mu nngai, dai hpang ngai gaw, “Tsaw Htum ai Madu e, na a amyu masha ni hpe mara dat ya u! Shanhte kaning rai hkrung lu na rai ma ta? Shanhte gaw grai kaji ai hte n-gun kya ai ni rai nga ma ai!,” ngu nna tsun we ai.

NAHUM 3:7

Nang hpe mu ai ni yawng, hpang de htingnut mat na mara ai. Shanhte gaw, ‘Ninewe gaw hten run taw nga sahka! shi a matu kadai wa matsan yu dum nga a ta? Shi hpe kadai shalan shabran kam nga a ta?,’” nga nna tsun na mara ai.

2 KORINHTU 7:13

Shing rai dan leng wa sai majaw, anhte grai myit n-gun lu la ga ai. Anhte gaw myit n-gun lu la ga ai hta n ga, grai kabu gara ga ai. Hpa majaw nga yang, nanhte yawng gaw Titu hpe kabu shangun myit dai rai nna, shi a kabu gara ai hpe anhte mu lu ai majaw rai nga ai.