ESAIA 51:14 - Jinghpaw Common Language Bible 2009

¹⁴ Bawng dung hkrum ai ni mung kade n na yang shalawt dat ai hkrum na mara ai; shanhte gaw asak galu hkra nga lu nna shanhte ra ai malu masha yawng lu na mara ai.

Jinghpaw Hanson Version Bible

¹⁴ Bawng dung ai wa gaw htawng kata e n si, kawsi hpang kara n hkrum na hte, alawan, hkye hkrang la ai hkrum na ra ai.

ESAIA 51:14 ပူးပေါင်းရင်းမြစ်များ

EZRA 1:5

Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

ESAIA 30:20

Dai Madu gaw nanhte hpe nni nkri hkrum shangun nga ai, rai ti mung shi nan dai shara hta nanhte hpe sharin achyin ya na matu nga nga na ra ai, nanhte gaw shi hpe loi mi mung hkan tam la ra na ra ai n rai.

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 49:25

Dai Madu gaw, “Dai gaw ning rai byin wa na lam rai nga ai. Hpyenla wa a bawng masha ni gaw lawt wa lu na mara ai, gumshem ai wa a lanep gaw rim la hkrum na ra ai. Ngai hpe gasat ai wa kadai hpe mung ngai gasat na nngai, ngai gaw na a ma kaji ni hpe hkye mawai la na nngai.

ESAIA 52:2

Yerusalem e, nang nan ndut ndang ashun nga u! Ga nhpu kaw na rawt nhtawm na a tingnyang hta dung u! Ziun a bawng dung amyu masha ni e, nang hpe gyit ai sumri ni hpe raw kau u!

YEREMIA 37:16

Ngai gaw nta npu na nhkun gawk kaji hta nhtoi tsawmra mi na hkra rawng nga nngai.

ZEHKARIA 9:11

Dai Madu gaw, “Nanhte tawn da ai nye a ga shaka ngu ai dazik dawk da ai shagu hkungga ni a asai a majaw, Ngai gaw na a amyu masha ni hpe bawng dung hkrum ai ni hpe hka n rawng ai nhkun kaw nna shalawt dat na nngai.