ESAIA 51:10 - Jinghpaw Common Language Bible 2009

¹⁰ Dai daru magam n-gun hte panglai hka hpe nang shahkyet kau nna dai hka hku lam langai waw nga ndai, shaloi nang hkye da sai ni rap di lu ma ai.

Jinghpaw Hanson Version Bible

¹⁰ Sung htum ai shara na nammukdara hka hpung ni hpe shahkyet kau nna, hkye mawai la hkrum ai ni lai lu na matu, nammukdara htumpa hku lam waw ai wa gaw, nang rai nga ai, n rai ni?

ESAIA 51:10 ပူးပေါင်းရင်းမြစ်များ

SHAKAWN KUNGDAWN 106:10

Shi gaw n ju n dawng ai ni a lata na shanhte hpe mawai la nu ai, shanhte a hpyen ni kaw na shi shanhte hpe hkye la nu ai.

SHAKAWN KUNGDAWN 106:9

Shi Nawng Hkyeng hpe hkang dat ai hte dai gaw hkyet mat nga ai; shing rai, shi a amyu masha ni hpe hkun hkraw nga ai ga ntsa hku woi rap mat wa nu ai.

SHAKAWN KUNGDAWN 74:13

Na a daru magam n-gun hte panglai hka hpe garan kau nhtawm; panglai numraw ni a baw ni hpe abrep kau ya nit dai.

SHAKAWN KUNGDAWN 77:19

Nang gaw hka leng ni a ntsa hku hkawm lai mat wa nna; sung ai panglai hka hpe lai di mat wa nga ndai, rai ti mung, na a lagaw hkang hpe kadai mung n mu lu nga ma ai.

PRU MAT 14:29

Rai ti mung Israela amyu masha ni chyawm gaw panglai hta lahkawng maga a hka shakum lapran na hkun hkraw ai hkarang ga hku hkawm lai mat wa ma ai.

PRU MAT 15:13

Na a ga sadi hta sadi dung nga ai rai nna, amyu masha ni hpe nang woi wa let, nang hkye mawai la nit dai; na a n-gun hte na a chyoi pra ai mung de nang shanhte hpe woi madun wa nit dai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

ESAIA 35:9

Hkanghkyi ni dai yang e nga na ma ai n rai; matse ai dusat ni dai lam hku lai na n rai. dai Madu a majaw hkye mawai la hkrum ai ni gaw dai lam hku nna nta de hkawm wa lu na mara ai.

ESAIA 42:15

Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

ESAIA 43:16

Dai Madu gaw moi de, panglai hku nmaw lam waw nna, hka duwai hku lam hpaw ya nu ai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

MIHKA 7:15

Madu e, nang gaw anhte hpe Egutu mung kaw nna woi shapraw wa ai shani hta nang galaw dan sai amu ni zawn anhte a matu mauhpa amu galaw dan mi.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,