ESAIA 50:7 - Jinghpaw Common Language Bible 2009

⁷ Rai ti mung shanhte a n kaw n law re ai amu gaw ngai hpe machyi shangun lu ai n rai, hpa majaw nga yang, Tsaw Htum ai dai Madu gaw ngai hpe karum la nga ai. Ngai gaw dai ni hpe hkam sharang lu hkra n-gun dahpran la nngai. Ngai kaya kahpa hkrum na n rai nga nngai hpe ngai chye nngai,

Jinghpaw Hanson Version Bible

⁷ Madu Yehowa gaw ngai hpe karum na ra ai; dai re ai majaw, ngai mak mat ai n rai; nye a myi man mung nhpai lung zawn ngai shatai nna, ngai kaya kahpa n hkrum na, ngai chye nngai.

ESAIA 50:7 ပူးပေါင်းရင်းမြစ်များ

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 54:6

O Madu e, ngai nang hpe kabu gara ai myit hte shagu hkungga ni nawng jau na nngai; nang mai kaja nga ndai majaw ngai nang hpe chyeju dum nga na nngai.

ESAIA 29:22

Dai rai nna, Abraham hkrum sha ai tsin-yam tsindam kaw na hkye mawai la ai dai Madu Israela a Karai Kasang gaw, “Nye a amyu masha ni e, nanhte gaw kaya kahpa galoi mung hkrum sha sana myit dai n rai, nanhte a myi man ni galoi mung kaya kahpa hte sum sana myit dai n rai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 49:8

Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

ESAIA 50:9

Tsaw Htum ai dai Madu gaw shi nan ngai hpe makawp maga ya nga ai- Kadai wa ngai hpe mara lu ai ngu sakse hkam lu nga a ta? Ngai hpe mara tam ai ni yawng hkoi mat na mara ai; shanhte gaw manut e sha kau hkrum ai sumpan zawn tsam mat na mara ai.

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

YEREMIA 1:18

Yeremia e, madat u! Ndai mungdan na masha hkum shagu hte Yuda hkawhkam ni, du salang ni, hkinjawng ni hte amyu masha ni gaw nang hpe gumlau na mara ai. Rai ti mung ngai gaw nang hpe shanhte hpe ninghkap na n-gun dai ni jaw ya nga nngai; nang gaw bunghku kum ai mare, hpri shadaw hte magri mang shakum zawn tai na ra ai. Nang hpe makawp maga na matu ngai gaw nang hte rau rai nga nngai majaw shanhte nang hpe dang kau lu na ma n rai. Dai Madu ngai nan tsun ni ai,” ngu nna tsun wu ai.

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

LUKA 9:51

Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 PETRU 4:16

Rai ti mung Hkristan rai nga ai majaw nni nkri hkrum a yang gaw, dai hpe hkum kaya nga mu; de a malai Hkristu a mying nsang hkam la lu ai majaw Karai Kasang hpe chyeju dum shakawn nga mu.