ESAIA 50:6 - Jinghpaw Common Language Bible 2009

⁶ Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

Jinghpaw Hanson Version Bible

⁶ Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

ESAIA 50:6 ပူးပေါင်းရင်းမြစ်များ

NEHEMIA 13:25

Ngai gaw dai lasha ni hpe daru sharin ai, shanhte hpe matsa dagam ai, anu kayat ai hte shanhte a kara ni hpe gang baw kau ya we ai. Dai hpang ngai gaw shanhte mung, shanhte a kashu kasha ni mung, maigan masha ni hte kayau kaya rai dinghku galoi mung n de shajang na matu Karai Kasang a mying nsang hta shanhte hpe dagam shaka shangun nngai.

YOBA 16:10

Masha ni ngai hpe yu ashu ma ai; shanhte ngai hpe wang shinggrup da let, nye a myi man bye ya ma ai.

YOBA 30:10

Shanhte gaw ngai hpe matsat ma ai; shanhte gaw nye a matu nau pyi kaja nga ga ai nga nna myit nawn da ma ai; shanhte gaw ngai kaw sa nna nye a myi man hpe mayen mahtaw bun ma ai.

SHAKAWN KUNGDAWN 129:3

Shanhte gaw nye a shingma hta sung ai nma jahkang ya nna; dai gaw shawt tawn da ai hkauna pa zawn rai nga ai.

SHAKAWN KUNGDAWN 69:7

Na a jaw e, ngai n kaw n law re ai hkrum sha nga nngai; ngai gaw kaya kahpa hte ka-up da ai hkrum nga ni ai.

SHAKAWN KUNGDAWN 69:8

Nye a hpu nau ni hta tsasam wa zawn, nye a dinghku masha ni hta maigan masha langai mi zawn ngai rai nga nngai.

ESAIA 53:5

Rai ti mung, anhte a yubak mara ni a majaw shi gaw hkala nba hkrum nga sai, anhte galaw ai n hkru ai amu a majaw kayat hkrum nga nu ai. Anhte gaw shi hkrum sha ai nni nkri ari a majaw mung, shi hkum ting htwi hkrum ai a majaw mung, shamai shatsai hkrum nga ga ai.

ESAIA 53:7

“Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

SHARUNG SHAYAWT 3:30

Kayat hkrum nna n kaw n law roi hkrum ti mung, anhte gaw dai lam yawng mayawng hpe hkam la na ang nga ga ai.

MIHKA 5:1

Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

BU HKAWM 12:14

Dai Madu mung, “Shi a kawa shi a myi man hpe mayen mahtaw bun ai rai yang sanit ya tup shi hta kaya hkrum nga na rai wu ai. Dai re ai majaw shi hpe bat mi tup shinggan e sa nga shangun u, dai hpang shi hpe bai woi wa na rai ndai,” ngu nna htan wu ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 27:26

Dai shaloi, Pilat gaw Baraba hpe shanhte a matu dat ya mu ai. Yesu hpe mahtang shi kayat nna, wudang hta jen sat kau na matu ap kau dat wu ai.

MAHTE 27:30

Bai shanhte shi hpe mayen mahtaw bun nhtawm, dai kumba yan hpe shanhte la nna, shi a baw hpe kayat ya mu ai.

MAHTE 5:39

Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.

MARKU 15:19

Shanhte gaw shi a baw hpe mai-aw tawng hte kayat nna, shi hpe mayen mahtaw bun mu ai hte, lahput hput di let shi hpe nawku mu ai.

YAWHAN 18:22

Yesu shing ngu wu yang, makau e tsap nga ai sin nga ai ni hta na langai mi gaw, Yesu hpe kahpret nna, “Hkinjawng Agyi Kaba wa mi ting hpe nang shing nga htan gwi nga n ni!,” ngu wu ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.