ESAIA 50:11 - Jinghpaw Common Language Bible 2009

¹¹ Kaga masha ni hpe jahten na maw mawn ai nanhte yawng hte gaw tinang a maw mawn ai amu ni hta jahten shaza ai hkrum na ra ai. Dai Madu gaw shi nan ndai amu hpe shabyin na ra ai; nang gaw nchyi nmu re ai gam maka hkam sha na rai ndai.

Jinghpaw Hanson Version Bible

¹¹ Wan shachyi nna, tinang hkum hpe wan n-yang hte shinggrup ai ni mahkra e, nanhte a wan shinglet hta mung, nanhte wut ai wan n-yang ni hta mung, hkawm nga mu. Nye a lata na nanhte hkam la ai lam chyawm gaw, da ndai rai nga ai: nanhte yawn hkyen let, yup kaleng wa na marin dai.

ESAIA 50:11 ပူးပေါင်းရင်းမြစ်များ

SHAKAWN KUNGDAWN 16:4

Tsasam karai ni kaw hkan gat ganawng nang ai ni gaw shanhte hkum nan hta ru tsang lam law law hkrum wa na mara ai. Shanhte a nawng jau ai hkungga hta ngai n lawm na nngai, shanhte a karai ni hpe ngai nawku na n rai.

SHAKAWN KUNGDAWN 32:10

Tara n lang ai ni gaw nni nkri hkam sha ra na ma ai, rai ti mung, Madu hpe kam hpa nga ai ni gaw shi a dinggrin tsaw ra myit hte makawp maga la ai hkrum nga ma ai.

GA SHAGAWP 26:18

Masha langai mi gaw marai langai mi hpe hkalem sha kau nhtawm, shi gaw shatu shakra ai sha re ngu tsun ai gaw, si shangun lu ai laknak hte ginsup chyai ai masha mana zawn rai nga ai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

ESAIA 9:18

Amyu masha ni a tara n lang ai amu gaw ju sumwum hte ju hpun ni hpe hkru kau ai wan hte bung nga ai. Dai gaw wan hkut shadaw shalun dat ai maling htinggram wan zawn jahkru kau nga ai.

YEREMIA 17:4

Ngai nang hpe jaw da ai mungdan hpe nang sum kau nna nang n chye ai mungdan hta na a gumlau hpyen ni hpe nang daw jau na rai ndai, hpa majaw nga yang nye a masin kahtet ai gaw wan zawn rai nna, dai gaw htani htana hkru nga na ra ai.

EZEKELA 20:39

Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 4:9

“Nanhte a hkai nmai nsi naisi ni hpe jahkraw kau shangun na matu kahtet kang ai nbung dat dat nngai. Hkakrit kadawn ni nanhte a sun ni, sabyi sun ni, lakum hpun ni hte tsanlun hpun ni yawng hpe sha kau ma ai. Shing rai tim, nanhte ngai kaw nhtang wa myit dai n rai.

YONA 2:8

Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

HABAKU 2:13

Nanhte padang dip da ai masha amyu baw ni gaw akyu n rawng ai amu magam hta hki ba nga ma ai, shanhte yawng galaw da sai amu ni gaw wan numli hta hkru mat na ra ai. Chyahtum Chyalai N-gun rawng ai dai Madu nan ndai amu galaw nu ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

YAWHAN 9:39

Bai Yesu gaw, “Myi n mu ai ni myi mu lu na matu mung, myi mu nga ai ni n mu lu na matu mung, tara dara na matu ndai mungkan ga de sa du nngai,” ngu wu ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

YAKU 3:6

Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.