ESAIA 5:9 - Jinghpaw Common Language Bible 2009

⁹ Ngai gaw Chyahtum Chyalai N-gun rawng ai dai Madu ning nga tsun ai ga hpe na ni ai: “Ndai kaba nna tsawm ai dum nta ni yawng kaman hten run mat na mara ai.

Jinghpaw Hanson Version Bible

⁹ Zaw nawng zaw wa up ai Yehowa, nye a na hta tsun ai gaw, Gaja wa, galu kaba ai hte hkik la ai nta law law hta, rawng ai masha n nga nna, katsi katsang rai na ra ai.

ESAIA 5:9 ပူးပေါင်းရင်းမြစ်များ

2 HKAWHKAM LABAU 36:21

“Lamu ga hpe bansa jaw ai htung tara n hkan shatup ai majaw dai hpe bai shatup na matu lamu ga gaw sanit shi ning tup katsi katsang shara tai mat na ra ai,” ngu nna myihtoi Yeremia a ga hku dai Madu tau tsun da ai ga gaw dik wa nga sai.

YOBA 15:28

Shanhte gaw mare ni hpe gasat ka-up la nna nta madu ni hprawng shakram da ai nta ni hpe madu la nga ma ai; rai ti mung hpyen majan a majaw dai mare ni hte nta ni hpe jahten shaza kau na mara ai.

YOBA 20:21

Shanhte sha yang, dai yang e hpa mung n ngam nga ai, rai ti mung ya chyawm gaw, shanhte a ngamu ngamai ai sut gan htum mat manu ai.

GA SHAGAWP 15:27

Amyat hpe n ding n man ai hku, tam shakut ai rai yang, na a dinghku masha ni ru yak shoihpa hkrum hkra nga ai. Mayun kumhpa n la ai rai yang, nang asak galu na ra ai.

ESAIA 22:14

Chyahtum Chyalai N-gun rawng ai Tsaw Htum ai dai Madu gaw shi hkum nan ngai hpe, “Ndai n hkru n shawp ai gaw shanhte asak hkrung nga dingsa galoi mung mara dat hkrum na ma ai n rai. Chyahtum Chyalai N-gun rawng ai Tsaw Htum ai dai Madu Ngai nan tsun ni ai,” ngu nna tsun wu ai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

AMO LAIKA (AMOS) 5:11

Nanhte gaw matsan mayan masha ni hpe dip gamyet sha nna shanhte a nsi naisi ni kashun la kau ya nga myit dai majaw, nanhte gaw gap da ai tsawm ai nlung wahpang nta ni hta nga lu na myit dai n rai, nanhte hkai da ai tsawm la ai sabyi sun kata kaw na sabyi ntsin lu lu na myit dai n rai.

AMO LAIKA (AMOS) 6:11

Dai Madu hkang dat ai ga jaw dat ai shaloi, nta kaji kaba ni daw agrawp mat na mara ai.

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

MAHTE 23:38

Dai majaw, na a Nawku Htingnu hpe Karai Kasang e katsi katsang di nna kabai shakram kau na ra ai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.