ESAIA 5:7 - Jinghpaw Common Language Bible 2009

⁷ Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

Jinghpaw Hanson Version Bible

⁷ Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

ESAIA 5:7 ပူးပေါင်းရင်းမြစ်များ

NINGPAWT NINGHPANG 4:10

Dai hpang dai Madu gaw, “Nang hpa rai ndai hkrit hpa amu hpe galaw kau nu ni? Na a kanau a asai gaw matai htang ya na matu shaga ai nsen zawn aga kaw nna ngai hpang de jahtau nga ai.

2 SAMUELA 7:10

Nye a Israela amyu masha ni a matu shara langai ngai san da nna, dai yang e shanhte shanu nga lu ai hte dip gamyet sha hkrum ai lam hpa mung n nga ai sha, shanhte nga lu na rai ma ai. Shanhte gaw ya du hkra ndai mung de shang nga ma ai rai nna n hkru ai masha ni e hkap gasat ai mung hkrum sha nga manu ai; rai ti mung dai gaw bai byin wa na ra ai n rai; na a gumlau hpyen ni yawng a lata na shim lum hkra bau sin na ga sadi ngai tawn da nngai; na a amyu masha ni hpe mung ngai jaw ya na we ai.

YOBA 34:28

Shanhte gaw Karai Kasang hpe jahtau na matu matsan mayan masha ni hpe shadut ma ai; shi gaw karum la na matu shanhte jahtau ai nsen hpe na wu ai.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

SHAKAWN KUNGDAWN 149:4

Dai Madu gaw shi a amyu masha ni hta awng sharawng nga nna; shagrit shanem ai ni hpe awng padang hte shi shagrau sha-a nga ai.

SHAKAWN KUNGDAWN 80:15

Nang kaba shangun ai sabyi hpun lawn hte nang hkai da ai sabyi ru ni hpe sa makawp maga la u.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

Shawlumon A Mahkawn Ga 7:6

Nang gaw kade sha sumnung shingdi nna kade sha tsawm htap nga n hka; na a tsaw ra kabu pyaw lam gaw kade sha hkum tsup nga a hka!

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 1:6

Abaw kaw nna lagaw du hkra na a hkum hkrang hta hkam kaja ai shara ngu na mi n nga lit dai. Nang gaw hkum ting hpye ai nma, hkala nba re ai nma hkang katsing ni hte ahpye alam rai nga ndai. Na a nma ni kashin jasan kau hkrum ai n rai, ahkyen kayawp hkrum ai n rai. Dai ni hta tsi bang ya hkrum ai n rai.

ESAIA 27:2

Dai shani e, dai Madu gaw sharawng awng ai shi a sabyi sun hpe,

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 3:17

Rai ti mung ngai gaw shanhte hpe ari jaw na we ai. Ngai gaw shanhte a baw ni hpe rep kau nna shanhte hpe pung krin tawn da na we ai.”

ESAIA 30:12

Rai ti mung, ndai gaw Israela a chyoi pra ai Karai Kasang tsun ai ga rai nga ai: “Nanhte gaw ngai nanhte hpe tsun ai ga hpe hpa n nawn ya myit dai, nanhte gaw kashun kashe du daw sai hkaw amu hte masu magaw amu hta myit manoi nga myit dai.

ESAIA 46:12

“Du ja nna awng padang hte tsan nga ai ngu myit nawn nga ai ni e, nye a ga madat mu.

ESAIA 5:2

Shi gaw ga sau htu lajang nna dai hta na nlung ni hpe rawm kau nga ai; shi gaw kaja htum ai sabyi ru ni hpe hkai da nga ai. Shi gaw dai hpe makawp maga na matu langchyi langai gap da nga ai, sabyi si ni kabye na matu nhkun langai hpe shi htu da nga ai. Shi gaw sabyi si ni myin na matu ala nga ai, rai ti mung sabyi si shagu gaw hkri mat nga ai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 59:14

Teng man rap ra ai tara gaw kanut mat wa sai, ding hpring ai gaw ni sa lu ai n rai. Teng man ai gaw shawa ginra hta ahtu kataw mat sai, myit malang ai hpe dai shara hkan e n mu tam nga sai.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

ESAIA 62:5

Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

YEREMIA 12:10

Law la ai maigan up hkang du salang ni gaw nye a sabyi sun hpe jahten kau manu ai; shanhte gaw nye a sun ni hpe kabye anut kau ya mi ai; shanhte gaw tsawm la ai nye a mungdan hpe zaibru jang shatai kau ya mani ai.

YEREMIA 24:2

Shawng na ka hta shawng myin sai lakum si ni hte kaja ai lakum si ni rawng nga ai. Kaga langai mi hta chyawm gaw n sha mai ai lakum si ni hte n kaja ai lakum si ni rawng nga ai.

YEREMIA 50:46

Babelon hkrat sum mat ai shaloi, dai hkrat sum ai nsen gaw mungkan ga ting hpe ashun awam na ra ai, dai hkrit kajawng shangun ai shabam ai nsen hpe kaga amyu baw ni na lu na mara ai.”

EZEKELA 22:29

Sut su ai ni gaw maw lu maw sha ai hte hpya lu hpya sha nga ma ai. Shanhte gaw matsan mayan hkrum hkra nga ai ni hpe pagawn mi di nna, maigan manam ni hpe zai hku adip arip di ma ai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

HABAKU 1:3

Ndai zawn re ai ru yak tsin-yam nang ngai hpe hpa majaw madun dan nga n ni? Nang gaw ndai zawn shut hpyit ai amu hpe kara hku yu tawn nga n ni? Hten byak ai hte kashun kashe du daw sai hkaw amu gaw ngai hpe wang shinggrup da nna, gasat gala ai hte ga law ga la ai amu mung shara shagu hkan byin nga ai.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

MAHTE 23:23

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw shingtawn pan, pan soi, hpakkyi tum, re ai ni hta na, htam shi hta na htam mi, Karai Kasang kaw sak nawng myit ti mung, dai jep ai Tara a kaja wa nan grau ahkyak ai sharin shaga ai lam ni rai nga ai tara rap ra ai, matsan dum ai hte kam sham ai lam hte hpe nanhte n madat n mara hprai kau myit dai. Nanhte gaw htam shi alu jaw ai hpe mung, dai jep ai Tara a sharin shaga ai lam hpe mung, n hprai ai sha hkan shadik na mai nga ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.