ESAIA 5:30 - Jinghpaw Common Language Bible 2009

³⁰ Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

Jinghpaw Hanson Version Bible

³⁰ Dai shani e shanhte gaw nammukdara wu kadu ai nsen hte zawn, shanhte hpe wu atet nna, dai mung hpe mada yu yang, yu u, nsin sin ai hte shoihpa shoirang hkrai rai nga ai; de a sumwi de na nhtoi pyi, nsin chyip rai mat sai.

ESAIA 5:30 ပူးပေါင်းရင်းမြစ်များ

HPAJI NINGLI 12:2

Ajan, shata hte shagan ni a nhtoi gaw na a matu sin mat wa na ra a, marang sumwi gaw galoi mung lai mat wa na ra ai n rai.

ESAIA 13:10

Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

ESAIA 13:4

Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

ESAIA 17:12

Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

ESAIA 59:9

Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

YEREMIA 30:5

“Ngai gaw hkrit kahpra ai nsen, hkrit hpa nsen hte ngwi pyaw sim sa lam n re ai nsen ni hpe na nngai.

YEREMIA 50:42

Shanhte gaw shanhte a ndan ni hte nhtu ni hpe shaw da manu ai; shanhte gaw gumshem ai hte matsan n chye dum ma ai. Shanhte gumra ni jawn sa wa ma yang, dai nsen gaw panglai hka wu kadu ai zawn rai nga ai. Shanhte gaw Babelon hpe gasat na jin jin rai nga masai.

YEREMIA 6:23

Shanhte gaw shanhte a ndan ni hte nhtu ni hpe lang da ma ai; gumshem nna matsan n chye dum ai ni rai ma ai. Shanhte gumra jawn sa wa ma ai shaloi, shanhte a nsen gaw panglai hka wu kadu ai zawn rai nga ai. Shanhte gaw Yerusalem hpe htim gasat na matu jin jin rai nga masai,” ngu nna tsun ai.

SHARUNG SHAYAWT 3:2

Shi gaw ngai hpe grau grau sung ai nsin kata de gau bang kau nga ai.

EZEKELA 26:3

“Dai rai nna, Tsaw Htum ai Madu ngai nan tsun nga ai mungga gaw ndai rai nga ai: Turu mare e, ngai gaw na a hpyen rai nga nngai. Ngai gaw nang hpe gasat na matu masha amyu law law hpe woi sa wa na nngai, dai ni gaw panglai hka leng ni zawn rawt hta wa ai hte du sa wa na mara ai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

AMO LAIKA (AMOS) 8:9

Ngai gaw shani chyingtung e ajan hpe jashang kau shangun ai hte ginding aga hpe shani aten e nsin sin shangun ai shaloi dai aten du wa na ra ai. Tsaw Htum ai dai Madu ngai nan tsun ni ai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

SHINGRAN 6:12

Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.