ESAIA 5:29 - Jinghpaw Common Language Bible 2009

²⁹ Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

Jinghpaw Hanson Version Bible

²⁹ shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

ESAIA 5:29 ပူးပေါင်းရင်းမြစ်များ

NINGPAWT NINGHPANG 49:9

Yuda gaw nam shan hpe kawa sat nna shi a lungpu de nhtang wa nhtawm Galeng gumkan nga ai hkanghkyi hte bung nga ai. Kadai mung shi hpe shatu gwi na n rai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 31:4

Dai Madu gaw ngai hpe, “Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.

ESAIA 35:9

Hkanghkyi ni dai yang e nga na ma ai n rai; matse ai dusat ni dai lam hku lai na n rai. dai Madu a majaw hkye mawai la hkrum ai ni gaw dai lam hku nna nta de hkawm wa lu na mara ai.

ESAIA 42:22

Rai ti mung, ya chyawm gaw shi a amyu masha ni hpya lu hpya sha ai hkrum nga manu ai; shanhte gaw ga htawng hta bang da ai hkrum ma ai, htawng ni hta makoi bang da hkrum ma ai. Shanhte gaw kashun kashe, hpya lu hpya sha ai hkrum ma ai, kadai mung shanhte hpe sa hkye la nga ma ai n rai.

ESAIA 47:15

Na a prat tup hta nang bawng jahkrup ai gumhpan hpan ai sara ni gaw na a matu mai kaja ai lam yawng mayawng galaw ya na mara ai. Shanhte yawng gaw nang hpe kau da nna shanhte a lam de sa mat wa na mara ai, nang hpe hkye la na matu kadai mung nga na n rai,” nga nna tsun ai.

YEREMIA 2:15

Shanhte gaw hkanghkyi ni zawn shi hpe shabam ma ai; shanhte gaw shi a mungdan hpe zaibru jang shatai kau ma ai, shi a mare ni gaw hten run taw mat nna tsep kawp kabai kau nga masai.

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 49:19

Hkanghkyi gaw htat ai maling kaw na gumtawng pru wa ai zawn, Yawdan hka mayan kaw nna tsit lali ai udat shara du hkra, ngai sa du nhtawm Edom masha ni hpe shanhte a mungdan kaw nna akajawng sha hprawng shangun na nngai. Shaloi ngai san da ai ningbaw wa gaw dai mung hpe up na ra ai. Ngai hte shabung lu ai wa kadai nga nga a ta? Kadai wa ngai hpe dakat lu nga a ni? Kaning re ai up hkang du wa gaw ngai hpe ninghkap shadang lu nga a ni?

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YEREMIA 51:38

Babelon mung masha ni yawng gaw hkanghkyi ni zawn shabam nna, hkanghkyi hkalung ni zawn nying na mara ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

MIHKA 5:8

Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

NAHUM 2:11

Lai sai aten ni hta, Ninewe gaw hkanghkyi lawng zawn rai nga nhtawm, hkanghkyi uram ni lusha tam sha ai shara, hkanghkyi la hte hkanghkyi yi ni rau hkawm nna shanhte a kasha ni hte dai shara hta shim nga lai yu masai zawn re ai mare dai gaw ya kanang rai nga sata?

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

ZEHKARIA 11:3

Mung up salang ni jahtau let yawn ma ai; shanhte a hpung shingkang htum mat manu ai! Hkanghkyi ni a shabam ai nsen hpe madat u; Yawdan hka mayan hku na shanhte a maling nta hten za mat sai!

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”