ESAIA 5:27 - Jinghpaw Common Language Bible 2009

²⁷ Shanhte hta na langai mi mung hki ba ai n rai; shanhte hta na langai mi mung ahtu kataw ai n rai. Shanhte gaw galoi mung yup nga, yup pyaw ai n rai. Shingkyit langai mung raw mat ai n rai; kyepdin sumri langai mung di mat ai n rai.

Jinghpaw Hanson Version Bible

²⁷ shanhte hta hki ba ai wa, kataw ai wa, yup nga ai wa hte yup pyaw ai wa, kadai mung n lawm nga ai; shanhte a shingkyit mung raw na n rai, shanhte a kyepdin sumri mung dut na n rai;

ESAIA 5:27 ပူးပေါင်းရင်းမြစ်များ

1 HKAWHKAM 2:5

“Dai hta kaga lama mi naw nga nga ai, dai gaw Israela a hpyen luksuk ni hpe up hkang ai du lahkawng ngu na Nera a kasha Abna hte Yehtera a kasha Amasa yan hpe sat kau nna Yoab ngai hpe galaw ai lam nang dum na ndai. Bai majan byin ai aten hta shanhte galaw shapraw dat ai si hkrung si htan amu a matu ngwi pyaw simsa ai aten hta matai dawp nna shan hpe shi kaning rai sat kau ai hpe mung adum nga u. Shi gaw mara n kap ai masha ni hpe sat kau nu ai rai nna shi galaw ai amu a matu ngai hta lit lu nga nngai a majaw dai mara a nni nkri hpe ngai hkam sha nga nngai.

YOBA 12:18

Shi gaw hkawhkam ni hpe tingnyang shayu nna, shanhte hpe bawng masha shatai nga ai;

YOBA 12:21

Shi gaw daru magam n-gun rawng ai ni hpe kaya jahkrum nna, up hkang du ni a n-gun hpe jahtum kau ya nga ai.

SHAKAWN KUNGDAWN 18:32

Shi gaw ngai hpe n-gun shaja ya ai hte nye a hkrun lam hpe shim lum shangun ai Karai Kasang rai nga ai.

SHAKAWN KUNGDAWN 93:1

Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

GA SHAGAWP 3:23

Na a lam hta shim lum ai hte nang hkawm sa wa lu nna, na a lagaw pyi galoi mung, ahtu na ra ai n rai.

ESAIA 11:5

Shi gaw shi a amyu masha ni hpe teng man rap ra ai tara hte ding hpring ai myit hte up na ra ai.

ESAIA 45:1

Dai Madu gaw Kuru hpe hkawhkam tai na matu lata la nu ai. Shi gaw masha amyu baw ni hpe up na matu shi hpe lit jaw nu ai; Hkawhkam ni a daru magam n-gun raw sharun ya na matu shi hpe shangun dat nga ai; dai Madu gaw shi a matu mare ni a chyinghka ni hpe hpaw malang da ya na ra ai. Dai Madu gaw Kuru hpe,

ESAIA 45:5

“Ngai gaw dai Madu rai nga nngai; karai shaje mi n nga nga ai. Nang ngai hpe n chye ti mung, nang hta ra ai n-gun lagaw ngai nang hpe jaw na de ai.

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

TARA JAHPRANG 32:25

Hpyen majan gaw nmaw lam ni hta si hkrung si htan shabyin nna; hkrit kajawng hpa gaw dum nta ni hta adup hkra na ra ai. Mahkawn hte shabrang ni si htum mat nna; chyu chyu ai ma chyangai ni hte dingla baw hpraw ni pyi lawt lu na mara ai n rai.