ESAIA 5:26 - Jinghpaw Common Language Bible 2009

²⁶ Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

Jinghpaw Hanson Version Bible

²⁶ Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

ESAIA 5:26 ပူးပေါင်းရင်းမြစ်များ

SHAKAWN KUNGDAWN 60:4

Nang hpe hkrit hkungga ai ni gaw jahten shabyak ai kaw nna lawt wa lu na matu, shanhte hpe shadum jahprang nit dai.

SHAKAWN KUNGDAWN 72:8

Shi a mungdan gaw panglai kaw nna panglai du hkra, Uhprat hka nu kaw nna mungkan ga a jut mi de du hkra, dam lada wa na ra ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 13:2

Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 13:3

Dai Madu gaw chyoi pra ai majan gasat na matu mung, shi masin yu pawt nga ai ni hpe ari jaw na matu mung, arawng sadang ninglaw ai ni hte kam ging sai hpyenla ni hpe shaga shapraw la nu ai.

ESAIA 13:4

Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 30:16

Shing rai na malai, Nanhte gaw gumlau hpyen ni a lata kaw na hprawng lawt lu na matu laram ai gumra ni jawn na she yaw myit dai. Hprawng lawt na matu nanhte lajang ai gaw jaw nga ai! Nanhte gaw nanhte a gumra ni laram nga ai ngu myit nawn la nga myit dai, rai ti mung nanhte hpe hkan shachyut ai ni gaw grau nna lawan na mara ai!

ESAIA 31:9

Shanhte a hkawseng wa gaw hkrit gari ai hte hprawng mat wa na ra ai, du salang ni mung grai hkrit kajawng mat ma ai majaw shanhte a majan dawnghkawn ni hpe kabai kau da na mara ai,” ngu nna tsun ai. Dai Madu gaw ning nga tsun nu ai-dai Madu gaw Yerusalem hta nawku daw jau hkrum ai hte dai yang e shagu hkungga ni a matu wan nat hkungga nawng jau ya ai hkrum nga ai.

ESAIA 39:3

Dai hpang myihtoi Esaia gaw Hkawhkam Hezekia hpang de sa nna, “Ndai dat kasa ni gara shara kaw na sa nhtawm nang hpe kaning nga tsun nga ma ni?,” ngu nna san wu ai. Hezekia gaw, “Shanhte gaw grai tsan ai Babelon mung na sa wa ai ni rai ma ai,” ngu nna tsun wu ai.

ESAIA 7:18

“Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

YEREMIA 5:15

Israela amyu masha ni e, dai Madu gaw nang hpe gasat na matu sumtsan mung kaw na masha amyu baw langai mi hpe woi wa nga ai. Dai ni gaw n-gun atsam rawng ai hte moi chyaloi nhkoi na amyu rai nna dai ni a ga hpe nang n chye na nga ndai.

YEREMIA 51:27

“Gasat na matu masat dawnghkawn sharawt mu! Pahtau dum dat mu! Shaloi amyu baw ni na lu na mara ai! Babelon hpe gasat na amyu baw ni hpe hkyen da mu! Shi hpe gasat na matu Ararat, Mini, Ashkena mungdan ni hpe tsun mu. Woi gasat ningbaw na dap hpareng wa hpe san da mu. Dinggam-yaw zawn law nna kamawng ai hpyen gumra ni hpe woi lung wa mu.

SHARUNG SHAYAWT 4:19

Shanhte gaw lamu ntsa kaw nna htim yu wa ai galang ni hta pyi grau lawan nna anhte hpe htim shachyut ma ai. Shanhte gaw anhte hpe bum lang hkan e hkan tam ma ai, anhte hpe nam mali hkan e akajawng sha rim woi la ma ai.

EZEKELA 38:17

Dai aten du ai shaloi, Israela hpe htim gasat na matu, amyu langai mi hpe ngai shangun dat na ngu nna nye a shangun ma ni rai nga ai Israela myihtoi ni hpe moi prat kaw na ngai tsun ndau da nga sai shingran gaw, nang nan rai nga ndai.” Tsaw Htum ai dai Madu nan tsun nu ai.

YOELA 2:7

Shanhte gaw share ninghkrin ni zawn gasat ma ai; shanhte gaw hpyenla ni zawn mare bunghku ni de lung ma ai. Shanhte yawng gaw lam n shai ai sha, dingyang ganawng lung wa ma ai

HABAKU 1:8

“Shanhte a gumra ni gaw rawng teng ni hta grau laram ma ai, kawsi ai chyahkyawn ni hta grau matse ma ai. Hpyen gumra jawn ai ni sumtsan shara ni kaw na jawn sa ma ai; Shanhte gaw lamyin hte htim amya ai galang ni zawn htim yu wa nga ma ai.

ZEHKARIA 10:8

“Nye a amyu masha ni hpe ngai shaga nna, shanhte hpe shinggyin da na nngai. Ngai gaw shanhte hpe hkye mawai la nna, shanhte law htam nga ma ai zawn, shanhte hpe shalaw jahtam na nngai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.