ESAIA 5:25 - Jinghpaw Common Language Bible 2009

²⁵ Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

Jinghpaw Hanson Version Bible

²⁵ Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 5:25 ပူးပေါင်းရင်းမြစ်များ

1 HKAWHKAM 14:11

Na a dinghku masha kadai mung mare kata e si ai rai yang gwi ni e sha kau ai hkrum na mara ai. Pa layang hkan si mat ai ni kadai mung langda e sha kau ai hkrum na rai nga ai. Dai ga hpe ngai Madu nan tsun ni ai,’” ngu nna tsun wu ai.

1 HKAWHKAM 16:4

Mare kata e si taw nga ai na a dinghku masha ni kadai mung gwi ni e sha kau ai hkrum na mara ai; pa ga hkan e si taw nga ai ni kadai mung langda ni e sha kau ai hkrum na ra ai.”

1 HKAWHKAM 21:24

Mare kata e si mat ai na hpu nau jinghku ni kadai mung gwi ni e sha kau ai hkrum nna pa hkan e si ai ni kadai mung langda ni e sha kau ai hkrum na mara ai,” ngu nna htan wu ai.

2 HKAWHKAM 13:3

Dai rai nna, dai Madu gaw Israela hpe masin pawt wu ai rai nna Suri Hkawhkam Hazaela hte shi a kasha Benhadad a lata hta lang hte lang Israela masha ni hpe gasat dang kau lu na ahkang jaw wu ai.

2 HKAWHKAM 9:37

Kadai mung shi a lup rai nga ai nga nna alak mi n madun lu hkra naw ngam nga ai shi a mang gaw dai yang e hkyi sumpum zawn agat kau ai hkrum na ra ai.’”

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

YOBA 9:13

Karai Kasang a pawt sindawng ai gaw dinggrin rai nga ai. Shi gaw shi hpe ninghkap na matu panglai numraw ngu ai Rahab hpe karum ai shi a gumlau hpyen ni hpe agrawp mani kau wu ai.

SHAKAWN KUNGDAWN 106:40

Shing rai, Madu gaw shi a amyu masha ni hpe pawt sindawng nga nna; shanhte hpe shi matsat kau wu ai.

SHAKAWN KUNGDAWN 114:7

Ginding aga e, dai Madu a man e mung, Yaku a Karai Kasang a man e mung, hkrit gari nga u.

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

SHAKAWN KUNGDAWN 68:8

mungkan ga gaw gari ashun wa ai hte lamu na marang htu wa nga ai; hpa majaw nga yang, Sina bum a Karai Kasang rai nga ai Israela a Karai Kasang du sa wa ai majaw rai nga ai.

SHAKAWN KUNGDAWN 77:18

Na a mu ngoi agung nga nna, myi hprap wan ni mungkan ga hpe jahtoi ya nga ai; mungkan ga mung gari ai hte ashun awam nga ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 83:10

Nang shanhte hpe Endora e dang kau ai hte shanhte a moi mang ni gaw ga ntsa e, yat taw mat mu ai.

PRU MAT 7:19

Dai Madu gaw Mawshe hpe, “Arun gaw shi a dawhkrawng la nna Egutu mung na hka nu, hka hkawng, hka lawng, hka nawng ni yawng a ntsa e ladawn u, ngu nna tsun u; shaloi mungdan ting na hka ni asai tai mat nhtawm hpun lawtawk hte nlung yam ni kaw rawng ai hka du hkra pyi, asai tai mat na ra ai,” ngu nna tsun wu ai.

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 14:19

rai ti mung nang mahtang lup shara n lu nga ndai, na a moi mang gaw kabai shayat kau hkrum nga ai. Dai gaw majan hta sat kau hkrum ai hpyenla ni a moi mang ni hte ka-up da nna shanhte hte rau lunghkrung nhkun de kabai bang nna kabye anut kau hkrum nga ai.

ESAIA 23:11

Dai Madu gaw panglai ntsa e shi a lata ladawn ai hte mungdan ni hpe jahten kau nu ai. Shi gaw Hponisha masha ni a hpaga yumga ginjaw ni hpe jahten kau na hkang dat nu ai.

ESAIA 25:11

Shanhte gaw hka hpung yawt shakut ai ni zawn shanhte a lata ni shaw ladawn wa na mara ai, rai ti mung Karai Kasang gaw shanhte hpe shagrit kau na ra ai, shanhte a lata ni tsu mat nna lup mat na mara ai.

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

ESAIA 64:3

Kalang mi na aten hta, nang du sa nna anhte n myit dum ai hkrit hpa amu ni hte jahkrit yu nit dai; shaloi bum ni gaw nang hpe mu nna hkrit gari ai hte ashun ma ai.

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

ESAIA 9:11

Dai Madu gaw shanhte hpe gasat na matu shanhte a gumlau hpyen ni hpe shalut ya nu ai.

ESAIA 9:16

Ndai amyu masha ni hpe lam woi ai ni gaw shanhte hpe lam shadam kau manu ai, shanhte hpe tsep kawp kashuk kashak shabyin kau manu ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 15:3

Dai Madu ngai gaw shanhte hta hkrit hpa amu mali byin wa na lam hpe daw dan da ni ai: shanhte gaw majan hta sat kau ai hkrum na mara ai; shanhte a moi mang ni gaw gwi ni e garawt mat wa hkrum na mara ai; ntsa malen u ni gaw dai ni hpe sha na mara ai, matse labye dusat ni gaw ngam da ai mang ni hpe araw sha na mara ai.

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 17:4

Ngai nang hpe jaw da ai mungdan hpe nang sum kau nna nang n chye ai mungdan hta na a gumlau hpyen ni hpe nang daw jau na rai ndai, hpa majaw nga yang nye a masin kahtet ai gaw wan zawn rai nna, dai gaw htani htana hkru nga na ra ai.

YEREMIA 4:24

Bum ni hpe ngai mada yu ai shaloi, dai ni ashun nga ma ai, kawng ni kade nde ashun nga ma ai.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

YEREMIA 6:12

Shanhte a nta ni hte hpawn yi hkauna ni hte madu jan ni gaw kaga masha ni a lata de du mat wa na mara ai. Ngai gaw ndai mungdan a amyu masha ni hpe ari jaw na we ai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

YEREMIA 9:22

Masha si mang ni gaw hkauna pa hkan sumpum nga ai namhpun ni hte man dan ai wa a hpang e, lahkawn shinggyin la ai wa n nga ai hkauling zawn shara shagu hkan ayai taw nga ai. Ndai gaw dai Madu ngai hpe tsun shangun mayu ai ga rai nga ai,” ngu nna tsun ai.

SHARUNG SHAYAWT 5:22

Shing n rai, anhte hpe htani htana kau da na nu ni? Na a masin kahtet ai hta shadaw shadang hpa mung n nga sana kun?

EZEKELA 15:6

Ya, ndai gaw Tsaw Htum ai dai Madu tsun ai mungga rai nga ai: “Maling e tu ai sabyi ru hpe kran nna ju kau ai zawn, Yerusalem hta shanu nga ai amyu masha ni hpe ngai woi la nna,

EZEKELA 30:25

Rai sa, ngai gaw shi hpe n-gun shakya kau ya nna Babelon hkawhkam hpe n-gun shaja ya na nngai. Babelon hkawhkam wa hpe nye a nhtu ap ya ai shaloi, shi gaw dai hpe Egutu mung de ladawn dat yang, ngai nan dai Madu rai nga nngai hpe kadai mung chye lu na mara ai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

Daniela 9:16

Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

AMO LAIKA (AMOS) 8:8

Dai rai nna ginding aga gaw ashun wa na ra ai, mungdan na masha shagu hte mung tsin-yam tsindam hkrum sha na mara ai. Mungdan ting gari ashun wa nna dai gaw Nila hka nu zawn rawt tung wa nna hkyet mat wa na ra ai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

NAHUM 1:5

Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

ZEHPANI 1:17

Dai Madu gaw, “Shinggyim masha ni a ntsa e dai zawn re ai tsin-yam tsindam shangun dat nna, masha hkum shagu gaw myi n mu ai wa zawn lamawm hkawm wa na mara ai. Shanhte gaw ngai hpe yubak galaw ma ai majaw, shanhte a asai hpe ya jang, hka zawn ru pru wa wa nna shanhte a moi mang ni gaw ga ntsa e yat mara taw nga na mara ai,” ngu nna tsun ai.

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.

TARA JAHPRANG 31:18

Shanhte gaw n hkru n shawp ai amu galaw nna hpara shaje ni hpe nawku ma ai majaw shanhte hpe karum la na matu ningdang kau na we ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.