ESAIA 5:23 - Jinghpaw Common Language Bible 2009

²³ Rai ti mung mayun kumhpa a majaw mara lu ai hpe nang shalawt dat nga ai, teng man rap ra ai lam lu la na matu, mara n kap ai wa hpe nang hkum shingdang da nga ndai.

Jinghpaw Hanson Version Bible

²³ tara n lang ai ni hpe shalawt dat nna, dinghpring ai ni a dinghpring ai lam hpe shingkan ai ni gaw, dingnye lu ma ai.

ESAIA 5:23 ပူးပေါင်းရင်းမြစ်များ

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

SHAKAWN KUNGDAWN 94:21

Shanhte gaw kaja ai masha ni hpe n hkru ai hku maw mawn nhtawm, mara n kap ai masha ni hpe si ari jaw nga ma ai.

GA SHAGAWP 17:15

Tara n lang ai wa hpe mara shalawt dat ai mung, mara n kap ai wa hpe daw dan ai mung, dai Madu n dawng nga ai.

GA SHAGAWP 17:23

Gumhpraw marin ai tara agyi ni gaw mayun kumhpa hpe la sha ai majaw; tara malang ai amu hpe n galaw ya nga ma ai.

GA SHAGAWP 24:24

Shi gaw mara kap ai wa hpe n kap ai wa re ngu nna, daw dan ai rai yang, masha shagu, shi hpe dagam, kau nna, n dawng n yawt na mu ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 10:1

Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

ESAIA 28:7

Myihtoi ni hte hkinjawng ni pyi chyaru grai nang nna ndi nda rai hkawm nga ma ai. Shanhte gaw sabyi hte chyaru nau law lu nang nga ma ai majaw, maru marang rai, ahtu gumpye hkawm nga ma ai. Myihtoi ni grai nang nga ma ai majaw Karai Kasang jaw ai shingran hpe n dum n chye nga ma ai. Hkinjawng ni mung grai sawng hkra lu nang nga ma ai majaw shanhte hpang de la sa wa ai amu ni hpe n chye hparan daw dan ya nga ma ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

ESAIA 32:7

Myit n su ai wa gaw n hkru nga ai rai nna n hkru ai amu ni galaw nga ai; shi gaw matsan mayan masha ni hpe masu magaw ga hte jahten sharun na hte shanhte a ahkaw ahkang ni hpe hkum shingdang na matu maw mawn chye nga ai.

ESAIA 59:15

Teng man ai lam grai n law ai majaw, n hkru ai amu a tsin-yam hpe kau da ai ni kadai mung tsin-yam hkrum nga ai,” ngu nna tsun ai. Dai Madu gaw ndai amu hpe mu nu ai, shi gaw teng man rap ra ai tara n nga ai majaw n ra sharawng nga ai.

AMO LAIKA (AMOS) 5:12

Nanhte galaw shut kau ai yubak ni gaw kade sha hkrit hpa rai nga ai hte nanhte shut hpyit kau sai ru hka amu ni kade law la nga ai hpe ngai chye nngai. Nanhte gaw mai kaja ai masha ni hpe zingri zingrat di ai, mayun kumhpa ni la ai hte tara rung ni hta matsan masha ni hpe teng man rap ra ai hku n daw dan nga myit dai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 7:3

Shanhte yawng hte gaw n hkru ai amu galaw ai lam hta grai kung kyang ai ni rai ma ai. Up hkang du salang ni hte tara agyi ni mayun kumhpa hpyi ma ai. Daru magam lu ai masha wa gaw shi hpa baw ra marit ai lam shanhte hpe tsun dan nga ai majaw shanhte gaw myit langai sha jawm myit shapraw ma ai.

MAHTE 23:35

Shing re ai a majaw, mara n kap ai Abela a asai kaw nna, dai Nawku Htingnu hte tawn hkungri lapran e nanhte sat kau ai Barahkia a kasha Zehkaria a asai du hkra nanhte bunglat ari hkrum na marin dai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

YAKU 5:6

Nanhte gaw mara n kap ai masha ni hpe daw dan nna sat kau manu ai; shanhte gaw nanhte hpe ninghkap nga ai n rai.