ESAIA 5:22 - Jinghpaw Common Language Bible 2009

²² Nang gaw dingnye hkrum nga ndai! Sabyi palin a share ninghkrin ni! Tsi kayau lu nang ai shaloi share shagan ai hte hkrit myit hpa mung n rawng ai ni!

Jinghpaw Hanson Version Bible

²² Tsabyi ru kru ni hte, tsi kayau ai chyaru mana maka lu let, sake manawn sha ai hte,

ESAIA 5:22 ပူးပေါင်းရင်းမြစ်များ

1 HKAWHKAM 20:16

Shaloi gasat gala ai gaw shani chyingtung aten e hpang wa sai; Benhadad hte shi a jinghku hpyen hpung sumshi lahkawng hte gaw shanhte a sum ni hta chyaru naw nang jawng nga ma ai.

PRU MAT 23:8

Mayun kumhpa hkap la mai na n rai, dai kumhpa a majaw, masha hpe ding man ai amu hta myi n mu shangun ai hte mara n kap ai ni a amu hpe sharun jahten kau ya nga ai.

GA SHAGAWP 20:1

Ladu lai chyaru lu ai gaw nang hpe marawn shabam nna angawk shangun nga ai. Chyaru nang apa hkawm ai gaw angawk ai lam rai nga ai.

GA SHAGAWP 23:29

Ladu lai chyaru lu ai hte lu hpa amyu myu hpe chyim ra ai masha langai ngai, ngai hpe madun dan et, shaloi nchyi nmu rai nna, shi hkum shi machyi dum ai wa, tut nawng ru yak tsin-yam shabyin ai hte tut nawng aput angun nga ai marai mi hpe, na a man e, ngai madun dan na we ai. Shi a myi ni hkyeng nga nna, koi yen kau lu mai ai hpe n koi yen kau lu mat ai nma ni shi hta kap nga ai.

GA SHAGAWP 31:4

Lemuela e, madat u, hkawhkam ni gaw sabyi ntsin lu na, tsa chyaru marin na, lam ni hpe koi gam ra nga ai.

GA SHAGAWP 31:5

Shanhte lu nga ai shaloi, tara ni hpe malap kau nna, mung masha ni hta ra kadawn nga ai ahkaw ahkang hpe hpa zawn n nawn chye nga ma ai.

ESAIA 22:13

Shing rai na malai, nang gaw mani sumsai hte masat poi galaw nga ndai. Nang gaw sha na matu sagu, dumsu ni sat nna sabyi lu nga ndai. Nang gaw, “Anhte mung sha ga, lu ga! Hpawt ni sha anhte si wa na saga ai,” ngu nna tsun ndai.

ESAIA 24:9

Sabyi ntsin lu nna kabu gara mahkawn mangoi ai gaw dai shara hta n nga nga ai, de a namchyim namta loi mi hpe kabu sharawng ai masha kadai n nga nga ai.

ESAIA 28:7

Myihtoi ni hte hkinjawng ni pyi chyaru grai nang nna ndi nda rai hkawm nga ma ai. Shanhte gaw sabyi hte chyaru nau law lu nang nga ma ai majaw, maru marang rai, ahtu gumpye hkawm nga ma ai. Myihtoi ni grai nang nga ma ai majaw Karai Kasang jaw ai shingran hpe n dum n chye nga ma ai. Hkinjawng ni mung grai sawng hkra lu nang nga ma ai majaw shanhte hpang de la sa wa ai amu ni hpe n chye hparan daw dan ya nga ma ai.

ESAIA 5:11

Nanhte gaw dingnye hkrum nga myit dai! Nang gaw jahpawt manap jau jau rawt nna chyaru lu hpang ai hte, shana du hkra chyaru nang let aten shama hkawm nga ndai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

HABAKU 2:15

Nanhte gaw dingnye hkrum nga myit dai! Nanhte gaw tinang masin kahtet ai hta htingbu ni hpe kaya kahpa jahkrum nna sari jahpoi kau ya nga myit dai; nanhte gaw shanhte hpe chyaru nang ai ni zawn ndi nda di kau nga myit dai.