ESAIA 5:20 - Jinghpaw Common Language Bible 2009

²⁰ Nang gaw dingnye hkrum nga ndai! Nang gaw n kaja ai hpe kaja ai, kaja ai hpe n kaja ai nga nna tsun ndai. Nang gaw nsin hpe nhtoi de, nhtoi hpe nsin de kayin kau nga ndai. Nang gaw hka ai hpe dwi ai, dwi ai hpe hka ai hku galaw nga ndai.

Jinghpaw Hanson Version Bible

²⁰ N kaja ai hpe kaja ai, kaja ai hpe n kaja ai, nga nna tsun ai ni; nhtoi a malai nsin, nsin a malai nhtoi; dwi ai a malai hka ai, hka ai a malai dwi ai hte galai kau ai ni gaw, dingnye lu ma ai.

ESAIA 5:20 ပူးပေါင်းရင်းမြစ်များ

YOBA 17:12

Rai ti mung, shana gaw shani nhtoi rai nga ai nga nna nye a manang ni tsun ma ai; nhtoi gaw ni nga ai nga nna tsun ma ai, rai ti mung, ngai chyawm gaw chyip mak re ai nsin hta ngai naw rawng nga nngai hpe chye nngai.

PRU MAT 23:7

Shi hpe n teng n man ai hku mara hkum shagun et; mara n kap ai wa hpe si ari jaw lu na n rai; hpa majaw nga yang, dai zawn re ai n hkru ai amu galaw ai wa kadai hpe mung ngai daw dan na we ai.

GA SHAGAWP 17:15

Tara n lang ai wa hpe mara shalawt dat ai mung, mara n kap ai wa hpe daw dan ai mung, dai Madu n dawng nga ai.

GA SHAGAWP 4:17

N hkru n shawp ai hte kashun kashe du daw sai hkaw amu gaw, shanhte a lusha shahpa zawn rai nga malu ai.

ESAIA 24:9

Sabyi ntsin lu nna kabu gara mahkawn mangoi ai gaw dai shara hta n nga nga ai, de a namchyim namta loi mi hpe kabu sharawng ai masha kadai n nga nga ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

ESAIA 30:10

Shanhte ni gaw myihtoi ni hpe atsin sha nga na matu tsun ma ai. Shanhte gaw, “Teng man ai amu anhte hpe hkum tsun dan mi. Anhte na mayu ai hpe sha tsun mu. Anhte a n teng n man ai ga ni hpe atsun na ga ai.

ESAIA 32:5

Angawk ai wa gaw shagrau ging nga ai shing n rai gumbyak masha gaw myit malang nga ai nga nna kadai mung myit yu na ma ai n rai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

AMO LAIKA (AMOS) 5:7

Nanhte gaw teng man rap ra ai tara hpe manai kau nna amyu masha ni a ahkaw ahkang hpe masu hkalem nga myit dai majaw, dingnye hkrum nga myit dai!

MIHKA 3:2

ti mung, nanhte gaw mai kaja ai hpe n dawng nna, n hkru ai hpe tsaw ra nga myit dai. Nanhte gaw nye a amyu masha ni ahpyi hpe katsing gawng kau nna shanhte a nrut nra ni hta kap ai ashan hpe se machyin kau nga myit dai.

HABAKU 1:4

Tara gaw n-gun kya mat nna akyu n jaw lu nga ai, teng man rap ra ai tara agyi ni kaw nna galoi mung n pru nga ai. N hkru ai masha ni gaw ding hpring ai masha ni hpe dang kau ma ai majaw teng man ai lam n dan dawng lu nga ai.

MALAHKI 2:17

Nanhte gaw dai Madu hpe tsun shaga ai ga hte hki ba shangun myit dai. Rai ti mung nanhte chyawm gaw, “Anhte shi hpe kaning rai hki ba shangun ga ta?,” ngu nna san myit dai. Bai Chyahtum Chyalai N-gun rawng nga ai dai Madu gaw “N hkru ai amu galaw ai ni yawng mai kaja nga ma ai; ngu nna myit ma ai, teng teng shi gaw shanhte hpe ra sharawng nga ai. Shing n rai, tara malang ai hku zawn hkan ai Karai Kasang gaw kanang rai nga a ta?,” ngu nna san ai hku nna mung, shi hpe shatsang nga ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

TARA JAHPRANG 25:1

“Israela masha lahkawng shada da ga law hkat ai majaw tara rung de amu sa shawk ma ai rai yang, langai mi hpe mara n kap ai wa ngu nna mung, bai kaga wa hpe mara lu ai wa ngu nna mung tsun na rai myit dai.

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.