ESAIA 5:17 - Jinghpaw Common Language Bible 2009

¹⁷ Hten run mat sai mare ni hta, sagu kasha ni tsing makret sha nna, bainam kasha ni udat shara mu tam na mara ai.

Jinghpaw Hanson Version Bible

¹⁷ Dai shaloi e sagu kasha ni gaw, tinang a udat shara e zawn, dai hta sha lu nna, katsi katsang tai wa ai sahti kunmi ni madu yu ai shara ni hta, malet nhprang manam ni shang sha lu na mara ai.

ESAIA 5:17 ပူးပေါင်းရင်းမြစ်များ

NEHEMIA 9:37

Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

SHAKAWN KUNGDAWN 119:70

Ndai masha ni myit hkawn hkrang ai lam n nga ma ai rai tim, ngai gaw na a tara hta awng sharawng nga nngai.

SHAKAWN KUNGDAWN 17:10

Shanhte gaw matsan dum ai myit n rawng ma ai hte gumrawng gumtawng ai myit hte tsun ma ai.

SHAKAWN KUNGDAWN 17:14

Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.

SHAKAWN KUNGDAWN 73:7

Shanhte a myit masin gaw n hkru n shawp ai lam hpe ru jaw dat nna; shanhte a kraw lawang ni gaw n hkru n shawp ai hku maw mawn ai hte kyin nga ma ai.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 17:2

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 65:10

Shanhte gaw ngai hpe nawku wa na mara ai; sinna maga de nga ai Sharon pa layang hte sinpraw maga de nga ai Tsin-Yam Tsindam Kadit ni hta shanhte a sagu hpung ni hte dumsu hpung ni hpe ushat shayaw na matu woi sa wa na mara ai.

ESAIA 7:25

Kalang mi yi galaw yu sai hkai bang kawng ni yawng gaw, dai shara ni hkan kadai n lu shang kabye hkawm lu hkra ju maling tai mat na ra ai; dai shara ni gaw dumsu hte sagu ni a udat shara tai mat na ra ai,” ngu nna tsun ai.

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.

SHARUNG SHAYAWT 5:2

Anhte a sut gan sali wunli gaw tsasam masha ni a lata de shang mat nna; maigan masha ni mung anhte a dum nta ni hkan e shanu nga ma ai.

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

ZEHPANI 2:14

Yam nga u hpung ni hte dusat amyu shagu gaw dai shara hta hpum nga na mara ai. Dai hten run mat sai shara na hkuwawt ni hta u hku ni dung nga na mara ai; hkuwawt chyinghka ntsa hkan e mung nga nga na mara ai. Chyinghka hkinbawng ntsa hkan e u hka ni ak nga na mara ai. Dai dum nta gap ai arit hpunpyen ni mung gawng mat na ra ai.

ZEHPANI 2:6

Panglai hkin-gau na nanhte a lamu ga gaw udat shara, sagu rem ni a sum gap shara hte sagu hpung ni a ulawng shara ni tai mat na mara ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.