ESAIA 5:13 - Jinghpaw Common Language Bible 2009

¹³ dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

Jinghpaw Hanson Version Bible

¹³ Dai rai nna, nye a amyu masha ni gaw chye chyang ai myit n lu ai majaw, bawng rim mat wa ai hkrum nna, arawng lu ai ni kawsi kyet ai, yu maya ni gaw hpang kara let ai, hkrum ma ai.

ESAIA 5:13 ပူးပေါင်းရင်းမြစ်များ

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

GA SHAGAWP 10:21

Mai kaja ai masha wa a ga matsun gaw, masha law law hpe akyu chyeju hpe hkam la shangun nga ai; angawk ai lam gaw tinang hkum hpe asak jasum kau ya lu nga ai.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 3:1

Chyahtum Chyalai N-gun rawng ai Madu e, Madu gaw ya jang Yerusalem hte Yuda mung na amyu masha ni a myit mahta shara hte shamyet shanat shara rai nga ai arung arai shagu hte masha hkum shagu hte hpe la kau na hkyen nga ai. Shi gaw shanhte a malu masha hte shanhte a lu hka ni hpe mung,

ESAIA 3:3

shanhte a hpyen luksuk hpyen du ni hte ninghtawn ningbaw ni, mung masa ninghkrin ni hte mandan chye bau ai masha shagu hpe la kau na ra ai.

ESAIA 44:19

Hpara sumla tawk ai wa gaw htauli htaula nyan hte machye machyang nyan n rawng nga ai rai nna, “Kau chyen mi hpe ngai ju kau ni ai. Wan n-ga ntsa hta ngai muk kabaw ni ai, ngai gaw ashan kakang nna sha kau nngai. Ngai gaw naw ngam ai hpun hpe hpara sumla langai tawk nngai. Ndai yang e ngai gaw hpun tawng langai hpe nawku dingnyawm nga nngai!,” ngu nna tsun ai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 14:3

Sut su ai masha ni gaw shanhte a shangun ma ni hpe hka ja shangun ma ai; shanhte gaw hka lawng de sa ma ai, rai ti mung, hka n mu tam ma ai; shanhte gaw di bu kaman sha hte nhtang wa ma ai. Shanhte gaw myit daw ai hte ashuk ashak byin nna myi man magap da ma ai.

YEREMIA 8:7

Mali tau u ni pyi bai pyen nhtang wa na aten hpe chye ma ai; hkrudu, pilan hte u kawp ni gaw htawt hkawm na aten hpe chye ma ai. Rai ti mung, nye a amyu masha ni e, ngai nang hpe up hkang ai tara ni hpe pyi nang n chye ndai.

SHARUNG SHAYAWT 4:9

Hpyen majan hta si mat wa ai ni gaw lusha kyet nna angwi ngwi sha nsa hkyet mat wa ai hkrum let, si mat wa ai ni hta grau nna kaja nga ma ai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

HOSEA 4:6

Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

AMO LAIKA (AMOS) 8:13

Dai shani e, hkam kaja ai shabrang ni hte numsha ni pyi hpang gara ai hte ba kalawp mat na mara ai.

LUKA 19:44

Shanhte gaw nang hpe mung, na a bunghku ni a kata e rawng nga ai masha ni hpe atsai awai jahten kau ai nhtoi gaw nang kaw pru na ra ai rai nna, nang hta nlung langai mi a ntsa e langai mi pyi n mara ngam nga lu hkra rai na ra ai. Hpa majaw nga yang, nang gaw Karai Kasang nang hpe hkye la na matu du sa ai aten hpe n dum n chye ndai,” ngu wu ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

2 PETRU 3:5

Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,