ESAIA 5:1 - Jinghpaw Common Language Bible 2009

¹ Ndai mahkawn ga, na a matu ngai mahkawn nga yang madat la u. dai gaw nye manang a mahkawn hte shi a sabyi sun a lam rai nga ai: Nye a manang wa gaw namhpun grai kaja ai kawng langai a ntsa e sabyi sun langai lu ai.

Jinghpaw Hanson Version Bible

¹ Ngai tsawra ai wa a tsabyi sun hpe lakap nna, tsawra ai wa hpe mahkawn mangoi ga, ngai mahkawn n-ga. Ngai tsawra ai wa gaw sau kawng e tsabyi sun langai mi lu ai:

ESAIA 5:1 ပူးပေါင်းရင်းမြစ်များ

SHAKAWN KUNGDAWN 101:1

O Madu e, nye a mahkawn ga gaw sadi dung ai hte teng man ai lam rai nga ai, dai hte, ngai nang hpe mahkawn mangoi nngai.

SHAKAWN KUNGDAWN 45:1

Hkawhkam wa a matu, ndai mahkawn hpe ngai jahtuk ai majaw; nye a myit masin hta tsawm htap ai ga ni hte hpring nga li ai. Kungkyang ai laika ka shara wa lang ai pen zawn, nye a shinglet gaw ga shagawp tsun na jin jin rai nga nngai.

SHAKAWN KUNGDAWN 60:5

Na a daru magam n-gun hte anhte hpe hkye hkrang la mi; anhte a akyu hpyi ai ga hpe mung htan ya mi, shing rai jang, nang tsaw ra ai amyu masha ni hkye mawai la ai hkrum na mara ai.

SHAKAWN KUNGDAWN 80:8

Nang gaw Egutu mung kaw na sabyi ru langai mi hpe la wa ndai; kaga amyu baw ni hpe nang gawt shapraw kau nhtawm, dai hpe shanhte a lamu ga hta, hkai nit dai.

Shawlumon A Mahkawn Ga 2:16

Ngai tsaw ra ai wa gaw nye a matu rai nga ai, ngai mung shi a matu rai nga nngai. Shi gaw hkalaw prang yang e shi a sagu hpung hpe

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 6:3

Nye a tsaw ra wa gaw nye a matu rai nna ngai gaw shi a matu rai nga nngai; shi gaw shi a yam nga hpung hpe hka law pan prang yang hkan e shayaw nga ai.

YEREMIA 12:10

Law la ai maigan up hkang du salang ni gaw nye a sabyi sun hpe jahten kau manu ai; shanhte gaw nye a sun ni hpe kabye anut kau ya mi ai; shanhte gaw tsawm la ai nye a mungdan hpe zaibru jang shatai kau ya mani ai.

YEREMIA 2:21

Ngai gaw nang hpe grai kaja htum ai nli tum kaw na sabyi ru hpe hkai da ni ai. Rai ti mung, nang hpa baw tai mat nga nit dai hpe yu yu u! Nang gaw yat mat nna manu n dan ai sabyi ru zawn rai nga ndai.

EZEKELA 15:2

Shi gaw, “Si chye ai masha wa e, Sabyi ru gaw hpun hte kaning rai shadawn mai nga a ta? Kaja ai sabyi lakung lakying ni gaw maling na hpun ni hte gara hku shadawn mai na rai nga a ta?

EZEKELA 19:10

Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

MARKU 12:1

Dai shaloi ga shadawn hte shanhte hpe tsun mu ai gaw, “Masha langai mi sabyi sun langai mi hkai sharam da nna, de a grup yin e nhpan kum da ai hte sabyi shup na matu htung htu da nna langchyi langai mi gap da wu ai. Dai hpang shi gaw sun shap galaw ai ni hpe boi ya da nna kaga mung de hkawm sa mat wa ai.

LUKA 20:9

Dai shaloi Yesu gaw, masha ni hpe ndai ga shadawn tsun mu ai gaw, “Kalang mi na masha langai mi gaw, sabyi sun langai mi hkai lajang da nna, sun galaw sha ai ni hpe shap ya da nhtawm, na na wa pru sa mat wa ai.

YAWHAN 15:1

Yesu tsun ai gaw, “Ngai gaw teng man ai sabyi ru rai nga nngai, nye Wa gaw sabyi sun galaw ai wa rai nga ai.

TARA JAHPRANG 8:10

Nanhte sha mayu ai lusha yawng lu la na rai nna, dai Madu nanhte a Karai Kasang nanhte hpe jaw ya nu ai dai ga sau hte hpring nna ningru ningja ai lamu ga a majaw shi hpe chyeju dum na rai myit dai.

TARA JAHPRANG 8:7

Dai Madu nanhte a Karai Kasang gaw ga sau hte hpring nna ningru ningja ai mungdan, hkaraw nhkap bum shagawng ntsa hkan nna lwi hkrat wa ai hka nu, hka shi, hka hpawk ni hte kadit hte kawng ni de kahpawk pru nga ai ga a lawu tsang na hka ni hte hpring ai ga;