ESAIA 49:8 - Jinghpaw Common Language Bible 2009

⁸ Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

Jinghpaw Hanson Version Bible

⁸ Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 49:8 ပူးပေါင်းရင်းမြစ်များ

2 SAMUELA 7:13

Shi mahtang she nye a matu htingnu gap ai wa rai na ra ai; shi a magam tingnyang hpe teng teng htani htana ngai shagrin da ya na we ai.

SHAKAWN KUNGDAWN 2:8

Hpyi u, ngai nang hpe masha amyu baw ni hte shanhte a mungdan ni yawng hte hpe ap ya na de ai; lamu ga ting na a rai na ra ai.

SHAKAWN KUNGDAWN 69:13

Rai ti mung, nye a matu chyawm gaw, Madu e, ngai nang hta akyu hpyi nga na nngai; Karai Kasang e, nang ra sharawng ai aten hta ngai hpe htan ya e. Na a kaba la ai tsaw ra myit hte hkye hkrang la na nga nna nang tawn da ai ga sadi hte maren ngai hpe htan ya e law.

SHAKAWN KUNGDAWN 75:3

Mungkan ga hte dai hta nga ai hkrung mahkrung mahkra hte gari ashun awam wa ti mung; de a npawt nhpang ni hpe ngai shangang shakang da na nngai.

ESAIA 26:3

Madu e, nang gaw ngang kang ai yaw shada lam shatup ai ni hte nang hpe kam hpa ai ni hpe hkum tsup ai ngwi pyaw sim sa lam jaw ya nga ndai.

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

ESAIA 49:19

“Na a mungdan gaw hten run nna katsi katsang shara tai mat sai, rai ti mung, ya chyawm gaw dai mungdan gaw dai shara hta sa shanu nga na ni a matu shara nau pyi kaji mat na ra ai. Nang hten run mat ai majaw kau da ai ni gaw nang kaw na htawt sit kau hkrum na mara ai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 54:3

Nang gaw na a lamu ga jarit ni hpe man maga shagu de maden jat lu na rai ndai; na a amyu masha ni gaw kaga masha amyu baw ni ya madu nga ai mungdan de nhtang wa na mara ai. Ya chyawm gaw katsi katsang re ai mare ni hta amyu masha ni hpring wa na mara ai.

ESAIA 55:6

Dai Madu hpang de kayin wa nna shi kaw akyu hpyi u, ya aten, shi ani sha nga nga ai.

ESAIA 57:13

Karum la na matu nanhte jahtau ai shaloi, ndai nanhte a hpara sumla ni nanhte hpe hkye la mu ga! Nsa sa lai nbung gaw shanhte hpe shapoi kau na ra ai. Rai ti mung ngai hpe kam hpa ai ni gaw mungdan hta shanu nga lu nna ngai hpe nye a Nawku Htingnu hta nawku lu na mara ai,” ngu nna tsun ai.

ESAIA 58:12

Na a amyu masha ni gaw moi na hten run mat sai ni hpe bai de da na mara ai, moi moi na npawt nhpang ni a ntsa e bai gaw kahtap na ra ai. Nang gaw bunghku ni hpe bai gaw gap nna hten run mat sai dum nta ni hpe bai gram lajang da ai amyu masha ni zawn kajai gumhkawng na ra ai.

ESAIA 58:5

Nanhte lusha gam ai shaloi, nanhte a baw ni hpe tsingdu lap langai zawn gum dagup nna lachyit nba hpyan da let wan dap e galwi ai hku, nanhte a hkum ni hpe nni nkri hkrum shangun nga myit dai. Dai gaw lusha gam ai re ngu myit nawn da wu ni? Ngai gaw dai zawn re ai hpe awng sharawng nga ai ngu nanhte myit nawn da wu ni?

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

ESAIA 61:4

Shanhte gaw moi chyaloi nhkoi kaw nna hten run nga sai mare ni hpe bai gaw gap da na mara ai.

ESAIA 65:9

Ngai gaw Yuda amyu bawsang hte seng ai Israela masha ni hpe shaman ya na nngai, shanhte a aru arat ni gaw nye a bum ni hpe madu na mara ai. Ngai hpe daw jau ai lata la hkrum ai nye a amyu masha ni gaw dai yang e shanu nga lu na mara ai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

2 KORINHTU 6:2

Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

HEBRE 12:24

Nanhte gaw, Ga Shaka Ningnan hpe gaw lajang da ya ai Yesu hpang de mung, Abela a sai hta grau kaja ai ga sadi ni ngu ai lapri bun ai asai hpang de mung, du nga manit dai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

HEBRE 8:6

Rai ti mung ya chyawm gaw dai hkinjawng agyi kaga ni lu ai aya hta grau ai hkinjawng amu a aya Yesu hpe jaw ya sai. Karai Kasang hte masha a lapran e Yesu lajang ya ai ga shaka tara gaw grau kaja ai ga shaka rai nga ai. Hpa majaw nga yang, dai ga shaka gaw shawng na hta grau kaja ai ga sadi ni hta npawt de da nga ai.