ESAIA 49:4 - Jinghpaw Common Language Bible 2009

⁴ Ngai gaw, “Ngai amu galaw ni ai, rai ti mung dai gaw kade sha myit mada shara n nga nga a hka! Ngai gaw n-gun htum hkra shakut ni ai, rai ti mung hpa mung n shangut lu nngai,” ngu nna tsun nngai. Ti mung nye a lam hpe makawp maga na matu, dai Madu hpe ngai kam lu nngai; shi gaw ngai galaw ai amu a matu ngai hpe shabrai jaw na ra ai.

Jinghpaw Hanson Version Bible

⁴ Ngai mahtang, “Ngai gaw kaman sha shakut sharang nngai; lila be lagya n-gun dat nngai; rai timung, nye a lam Yehowa man e rai nga nna, ngai hkam la na shabrai gaw, nye a Karai Kasang a lata hta rai nga ai,” nga nna tsun nngai.

ESAIA 49:4 ပူးပေါင်းရင်းမြစ်များ

1 HKAWHKAM 19:10

Shi gaw, “Chyahtum chyalai n-gun rawng ai Madu Karai Kasang e, ngai gaw nang - nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai. Shanhte gaw ngai hpe sat kau na matu shanhte tam shakut nga ma ai!,” ngu nna htan wu ai.

GA SHAGAWP 29:26

Masha hkum shagu gaw mung du wa a myit kaja ai lam hpe ra marit nga ti mung, teng man ai tara hpe chyawm gaw dai Madu kaw nna sha, hkam la lu nga ai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 40:10

Tsaw Htum ai dai Madu gaw daru magam n-gun hte up hkang na du sa nga ai, shi hkye mawai la sai amyu masha ni gaw shi hte rau woi sa wa nga ai.

ESAIA 40:27

Israela e, dai Madu gaw na a tsin-yam tsindam hpe n chye nga ai nga nna, nang hpa majaw aput angun nga n ni? Nang gaw n teng n man ai tara a nni nkri hpe hkam sha yang shi nang hpe n yu ai ngu hpa majaw tsun nga n ta?

ESAIA 57:21

Yubak kap ai ni a matu shim ai shara n nga nga ai,” ngu nna dai Madu tsun ai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 62:11

Dai Madu gaw ginding aga ting hpe ning ngu tsun ndau nga ai: “Dai Madu gaw nang hpe hkye la na matu du sa wa nga ai, Shi mawai la sai amyu masha ni hpe shi hte rau woi sa wa nga ai, ngu Yerusalem amyu masha ni hpe tsun mu.”

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

ESAIA 65:23

Shanhte galaw ai amu awng dang na mara ai, shanhte a kashu kasha ni ru yak tsin-yam tsindam hte hkrum na mara ai n rai. Ngai gaw shanhte hte shanhte a aru arat ni hpe prat mi hte prat mi shaman ya na nngai.

EZEKELA 3:19

Nang gaw dai n hkru ai masha wa hpe n shadum jahprang ai hte shi gaw yubak lam hpe n kau da ai rai yang, dai yubak naw kap nga ai wa gaw si na ra ai; rai ti mung, na a asak chyawm gaw lawt lu na ra ai.

JAW JAU 26:20

Nanhte galaw shaja ai bungli yawng gaw kaman lila rai na ra ai, hpa majaw nga yang nanhte a lamu ga gaw nsi naisi n shakat ya ai hte hpun ni hta asi si jaw na ra ai n rai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

YAWHAN 1:11

Mungga gaw shi a buga mungdan de du sa ra ai, rai ti mung shi a amyu bawsang ni shi hpe n hkap la ma ai.

ROMA 10:21

Rai ti mung Israela amyu masha ni hte seng nna shi bai tsun ai gaw, “N madat n mara nna gumlau ai amyu hpe hkap la na matu, nye a lata shani tup ngai ladawn wak nga nngai,” nga ai.

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?

2 KORINHTU 2:15

Hpa majaw nga yang, anhte gaw Karai Kasang kaw Hkristu nawng jau ai manam pyaw ai bat hte bung nga ga ai. Dai manam pyaw ai bat gaw hkye hkrang la hkrum ai ni hta mung, sum mat hkrum ai ni hta mung chyam bra mat wa sai.

GALATI 4:11

Ngai gaw nanhte kaw kaman lila sha shakut kau nga ai nhten? ngu nna nanhte a lam ngai myit tsang nga nngai.

HPILIPI 2:16

Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.