ESAIA 49:17 - Jinghpaw Common Language Bible 2009

¹⁷ “Nang hpe bai gaw gap da na ni kade n na yang du na mara ai, nang hpe jahten sharun kau ai ni pru mat wa na mara ai.

Jinghpaw Hanson Version Bible

¹⁷ Na nshu nsha ni lawan wa na mara ai; nang hpe hpya lu hpya sha ai ni hte na a mung hpe shakrin kau ai ni gaw, nang kaw na pru mat wa na mara ai.

ESAIA 49:17 ပူးပေါင်းရင်းမြစ်များ

EZRA 1:5

Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

NEHEMIA 2:17

Rai ti mung ya chyawm gaw ngai shanhte hpe, “Yerusalem hten run mat nna de a chyinghka ni hten za mat sai majaw kaning re ai tsin-yam tsindam anhte hkrum sha nga ga ai hpe yu yu mu! Anhte gaw mare hpe bai de da ai hte anhte a sari hpoi hkrum ai amu hpe jahtum kau saga,” ngu nna tsun we ai.

SHAKAWN KUNGDAWN 137:3

Anhte hpe rim da ai ni gaw, shanhte hpe mahkawn mangoi dan na matu tsun ma ai; shanhte gaw, “Ziun a mahkawn, anhte hpe mahkawn dan mi,” nga nna shanhte hpe shangwi shapyaw ya na matu, tsun ma ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 37:18

Madu e, Asuri hkawseng ni masha amyu baw law law hpe jahten kau nna shanhte a mungdan ni hpe katsi katsang shara shatai kau ma ai hpe mung,

ESAIA 49:19

“Na a mungdan gaw hten run nna katsi katsang shara tai mat sai, rai ti mung, ya chyawm gaw dai mungdan gaw dai shara hta sa shanu nga na ni a matu shara nau pyi kaji mat na ra ai. Nang hten run mat ai majaw kau da ai ni gaw nang kaw na htawt sit kau hkrum na mara ai.

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

ESAIA 62:5

Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

EZEKELA 28:24

Dai Madu gaw, “Israela hpe machyi shangun ai ju shingna ni zawn, grup yin e nga ai masha amyu baw ni kadai mung Israela hpe n kaw n law re ai lam galoi mung bai nga na ra ai n rai. Ngai nan Tsaw Htum ai dai Madu rai nga nngai hpe shanhte chye wa na mara ai.”

EZEKELA 36:10

Ngai gaw nanhte hpe shalaw jahtam ya na nngai. Nanhte gaw mare ni hta shanu nga lu nna, hten run taw nga sai arai shagu hpe bai gaw gap da lu na marin dai.