ESAIA 49:13 - Jinghpaw Common Language Bible 2009

¹³ Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

Jinghpaw Hanson Version Bible

¹³ Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ESAIA 49:13 ပူးပေါင်းရင်းမြစ်များ

1 HKAWHKAM LABAU 16:31

Ginding aga hte sumsing lamu e, kabu gara nga mu! Dai Madu gaw hkawhkam rai nga ai ngu nna amyu baw ni hpe tsun dan mu.

SHAKAWN KUNGDAWN 148:9

Kawng ni hte bum ni, namsi hpun ni hte maling mala ni, shani da ai yam nga ni hte matse labye dusat ni yawng, gumrawt hkawm ai baw hte ntsa malen u ni e, shi hpe shakawn mu.

SHAKAWN KUNGDAWN 65:13

Prang ni hta sagu ni hte hpring nga ai; kadit ni hta hkaulan mam ni hte hpring nga ai. Arai yawng mayawng hte gaw garu jahtau ai hte kabu gara mahkawn ma ai.

SHAKAWN KUNGDAWN 69:34

Sumsing lamu hte ginding aga, panglai ni hte dai hta rawng ai hkrung mahkrung yawng hte e, Karai Kasang hpe shakawn mu.

SHAKAWN KUNGDAWN 71:21

Nang ngai hpe shawng na hta, grau nna galu kaba shangun na rin dai; nang gaw ngai hpe bai shalan shabran la na rin dai.

SHAKAWN KUNGDAWN 89:13

Nang gaw daru magam n-gun kade wa kaba nga lit hka! na a n-gun kade wa galu kaba nga lit hka!

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

ESAIA 49:14

Rai ti mung Yerusalem amyu masha ni gaw, “Dai Madu gaw anhte hpe kau da mani ai! Shi anhte hpe malap kau nu ai,” nga nna tsun ma ai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 52:9

Hten run mat sai Yerusalem, nang e, kabu gara jahtau garu u! Dai Madu gaw shi a mare hpe hkye mawai la nna shi a amyu masha ni hpe shalan shabran na ra ai.

ESAIA 54:7

“Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

ESAIA 54:8

Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

ESAIA 55:12

“Nang gaw kabu gara ai hte Babelon kaw na pru wa na rai ndai; nang gaw mare kata kaw na ngwi pyaw sim sa ai hte woi wa ai hkrum na rai ndai. Bum ni hte kawng ni aja awa mahkawn mangoi na mara ai, hpun ni mung kabu gara jahtau garu na mara ai.

YEREMIA 31:13

Dai hpang, numsha ni gaw ka manawt ai hte kabu gara na mara ai, lasha kaji kaba ni gaw kabu gara na mara ai. Ngai gaw shanhte hpe shalan shabran ai hte shanhte a sharung shayawt ai hpe kabu gara lam shatai ya na nngai, shanhte a yawn hkyen ai hpe kabu pyaw shangun na nngai.

YEREMIA 51:48

Dai mungdan hpe jahten kau na matu du yu wa ai dingdung maga de na masha ni a lata hta, Babelon mung hkrat sum mat ai shaloi, ginding aga hte sumsing lamu hta nga ai ngayawng ngapra mahkra hte gaw kabu gara ai hte jahtau garu na mara ai.

EZEKELA 35:14

Tsaw Htum ai dai Madu gaw, “Ngai gaw nang hpe katsi katsang shara shatai kau ai majaw, mungkan ting gaw na a hkrat sum ai lam hpe kabu gara na mara ai,

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.