ESAIA 49:11 - Jinghpaw Common Language Bible 2009

¹¹ “Ngai gaw bum ni hpe lai di ai nmaw lam kaba galaw nna nye a amyu masha ni a matu hkawm sa na lam langai hkyen ya na nngai.

Jinghpaw Hanson Version Bible

¹¹ Nye a bum ni yawng hpe ngai lam shatai nna, nye a nmaw lam ni hpe, gaw shatsaw na we ai.

ESAIA 49:11 ပူးပေါင်းရင်းမြစ်များ

SHAKAWN KUNGDAWN 107:4

Masha nkau mi gaw, lam n nga ai nam mali hkan e, brak hkawm nga ma ai; shanhte shanu nga na mare de hkrang ai lam hpe mung n mu tam lu nga ma ai.

SHAKAWN KUNGDAWN 107:7

Shi gaw shanhte hpe shanu nga lu na shara de, malang ai lam hku nna woi wa mu ai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 19:23

Dai aten du ai shaloi, Egutu mung hte Asuri mung lapran ningmaw lam kaba hku wa na ra ai. Dai mungdan lahkawng na amyu masha ni gaw mungdan lahkawng a lapran htinglet hkawm sa wa na mara ai, dai mungdan lahkawng gaw rau sha nawku wa na mara ai.

ESAIA 43:19

Ngai galaw sa wa na amu nnan hpe sin yu mu. Dai gaw byin nga masai majaw dai amu hpe ya mu lu nga ndai! Ngai gaw nam mali hku nmaw lam waw na nngai, dai yang e nang hpe hka shi ni jaw na we ai.

ESAIA 52:12

Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

ESAIA 57:14

Dai Madu gaw, “Nye a amyu masha ni ngai hpang de nhtang wa mu ga. Shanhte a lam kaw na dingbai dingna shagu hpe seng kau ya mu! Nmaw lam galaw mu, dai hpe shajin da mu!

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.