ESAIA 49:1 - Jinghpaw Common Language Bible 2009

¹ Tsan gang ai shara hkan nga ai sumtsan masha amyu baw ni e, nye a ga madat mu! Ngai garai n shangai ai aten kaw na, dai Madu gaw ngai hpe lata la ai hte shi a shangun ma tai na matu ngai hpe san da nu ai.

Jinghpaw Hanson Version Bible

¹ Zunlawng ni e, nye a ga na la mu, sumtsan mung na amyu ni e, madat mara mu: Yehowa gaw hkritung nna pyi, ngai hpe shaga ni ai; nye nu a kraw lawang kaw nna, nye a amying hpe shabrawng ya ni ai;

ESAIA 49:1 ပူးပေါင်းရင်းမြစ်များ

SHAKAWN KUNGDAWN 22:10

Ngai gaw shangai wa ai shani kaw nna nang hta kam hpa shamyet shanat nga nngai; nang gaw tut nawng e na, nye a Karai Kasang rai nga nit dai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 24:15

Sinpraw maga de nga ai ni gaw shi hpe kungdawn na mara ai. Panglai mayan hku nga ai ni chyawm gaw dai Madu Israela a Karai Kasang hpe shakawn kungdawn wa na mara ai.

ESAIA 33:13

Ni ai tsan ai shara hkan nga ai masha shagu hte gaw ngai galaw ni ai amu hpe na la mu ga, nye a daru magam n-gun hpe yin la mu ga,” ngu nna tsun wu ai.

ESAIA 41:1

Karai Kasang gaw, “Sumtsan mungdan ni e, Atsin sha nga nna nye a ga madat mu! Tara rung hta na a amu shawn na matu shajin da u; nang gaw ga shaga lu na ahkaw ahkang lu na ra ai. Kadai wa teng man nga ai hpe daw dan ya na matu rau sa wa ga.

ESAIA 42:12

Sumtsan mung ni hta nga ai ni gaw dai Madu hpe shakawn kungdawn ai hte shi a hpung shingkang hpe shagrau nga mu ga!

ESAIA 44:2

Ngai gaw nang hpe hpan da ai dai Madu rai nga nngai; nang shangai wa ai aten kaw nna, ngai nang hpe karum ni ai. Hkum hkrit et; nang gaw nye a shangun ma rai nga ndai, ngai tsaw ra ai hte lata la hkrum ai nye a amyu masha ni rai nga myit dai.

ESAIA 44:24

“Ngai gaw nang hpe hkye hkrang la ai dai Madu rai nga nngai; Ngai gaw nang hpe hpan da ai wa rai nngai. Ngai gaw arai yawng mayawng hpe Hpan Da Ai Wa, dai Madu rai nga nngai. Ngai chyu sha sumsing lamu ni hpe kahpyan da nngai; Ginding aga hpe ngai hpan ai shaloi, kadai mung ngai hpe n karum nga ai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 45:3

Ngai nang hpe sin ai hte shim ai shara e makoi da ai sut gan arung arai ni jaw na de ai; dai hpang ngai gaw dai Madu rai nga nngai hte Israela a Karai Kasang gaw nang hpe amying hku shaga nu ai hpe nang chye na rin dai.

ESAIA 46:3

“Yaku a aru arat ni, nye a amyu masha kaw na naw ngam nga ai ni yawng hte e, nye a ga madat mu. Ngai gaw nanhte hpe nanhte shangai wa ai shani kaw nna bau maka wa ni ai.

ESAIA 49:12

Nye a amyu masha ni gaw tsan gang ai shara ngu ai dingdung hte sinna maga de nna mung, dingda maga Aswan kaw na mung sa wa na mara ai.

ESAIA 49:5

Ngai garai n shangai yang, dai Madu gaw ngai hpe san da nu ai; shi a amyu masha ni hpe woi nhtang wa na matu mung, bra mat wa sai Israela amyu masha ni hpe bai woi nhtang wa na matu mung, shi gaw ngai hpe shi a shangun ma shatai nu ai. Dai Madu gaw ngai hpe arawng sadang jaw nga ai; shi gaw nye a n-gun a npawt rai nga ai.

ESAIA 51:5

Ngai gaw tin tin sa nna shanhte hpe hkye la na nngai; nye a awng padang lu la na aten ni wa nga sai. Ngai nan masha amyu baw ni a ntsa e up na nngai. Sumtsan mung na ni gaw ngai sa wa na matu ala nga ma ai; shanhte gaw shanhte hpe hkye la na matu myit mada ai hte ngai hpe ala nga ma ai.

ESAIA 52:13

Dai Madu gaw, “Nye a shangun ma gaw shi a amu hta dagraw la na ra ai; shi gaw shagrau shatsaw hkrum na ra ai.

ESAIA 55:3

Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

ESAIA 57:19

Ngai gaw ni ai, tsan ai shara hkan nga ai ni yawng hpe ngwi pyaw sim sa lam jaw na nngai! Ngai gaw nye a amyu masha ni hpe shamai shatsai na nngai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 1:5

“Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

ZEHPANI 2:11

Dai Madu gaw shanhte hpe jahkrit shama dat na ra ai. Shi gaw aga ting na karai ni hpe kaman de shayu kau tawn na ra ai, shaloi masha amyu baw shagu gaw shanhte a shara kaw na shi hpe nawku na mara ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 1:31

Yu u, nang na-um nasin rai wa nna shadang sha shangai na rin dai; shi a mying hpe Yesu ngu nna shamying ya na ru ai.

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

EHPESU 2:17

Shing rai nna Karai Kasang hte tsan gang nga ai nanhte maigan masha ni hpe mung, Karai Kasang hte ni nga ai Yuda masha ni hpe mung, Hkristu du sa nna dai ngwi pyaw ai lam a Kabu Gara Shiga hkaw tsun dan mi ai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

1 PETRU 1:20

Ginding aga garai n lat kaw nna Karai Kasang gaw shi hpe lata san da nu ai rai nna ndai hpang jahtum ai nhtoi ni hta e nanhte a matu mara shadan dan dat sai.