ESAIA 48:9 - Jinghpaw Common Language Bible 2009

⁹ “Amyu masha ni gaw nye a mying hpe shakawn kungdawn lu na matu, nye a masin kahtet ai myit hpe ngai dip da nngai; Ngai gaw nang hpe n jahten kau u ga, hkam sharang nga nngai.

Jinghpaw Hanson Version Bible

⁹ Rai timung, nang hpe n shamyit kau hkra, ngai gaw nye a amying nsang a marang e, nye a pawt bu ai myit dip kau nna, nye a arawng sadang matu, na a lam naw hkam sharang na nngai.

ESAIA 48:9 ပူးပေါင်းရင်းမြစ်များ

SHAKAWN KUNGDAWN 106:8

Rai ti mung, shi gaw shi a galu kaba ai daru magam n-gun hpe madun dan na matu, ga sadi tawn da sai hte maren, shanhte hpe hkye hkrang la nu ai.

SHAKAWN KUNGDAWN 143:11

Madu e, na a ga sadi hte maren, ngai hpe mawai la e; na a mai kaja ai lam hta nye a ru tsang kaw na ngai hpe hkye hkrang la e!

SHAKAWN KUNGDAWN 25:11

Madu e, na a ga sadi hpe shadik shatup nga u, nye a yubak ni hpe mung raw dat kau ya e; kaning rai nme law, dai hte gaw law la nga ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 79:9

Karai Kasang e, anhte hpe karum la mi, anhte hpe hkye hkrang la mi; na a mying nsang a gawp e, anhte hpe mawai la mi.

GA SHAGAWP 19:11

Nang hta htauli htaula myit rawng ai rai yang na a sindawng ai masin hpe hkang lu na ra ai; marai langai ngai nang hpe shut ai shaloi, dai hpe nang yu shalai kau ya yang, dai gaw na a arawng rai nga ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 37:35

Nye a arawng sadang a matu mung, nye a shangun ma Dawi hpe ngai jaw ai ga sadi a majaw mung, ndai mare hpe shadaw shangang nna dai hpe makawp maga na nngai.

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

ESAIA 48:11

Ngai galaw ai amu gaw nye a matu rai nga ai- Ngai gaw nye a mying hpe jahpoi jahkrum shangun na n rai, nye a hpung shingkang hpe kadai hpe mung garan ya na n rai, dai gaw nye a matu hte nye a matu chyu sha rai nga ai,” ngu nna tsun ai.

ESAIA 65:8

Dai Madu gaw, “Kadai mung kaja ai sabyi si ni hpe n jahten ma ai, shing di na malai, shanhte gaw dai ni hte sabyi ntsin galaw ma ai. Ngai gaw nye a amyu masha ni yawng hpe jahten kau na n rai-ngai hpe daw jau ai ni hpe ngai hkye hkrang la na nngai.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

EZEKELA 20:14

Rai ti mung, dai hku ngai n galaw nngai, hpa majaw nga yang, Egutu mung kaw na Israela amyu masha ni hpe ngai woi wa sai lam mu ai masha amyu baw ni a man e nye a amying jahpoi kau ai lam n tai shangun nngai.

EZEKELA 20:22

Rai ti mung, ngai dai hku n galaw nngai, hpa majaw nga yang, Israela amyu masha ni hpe Egutu mung kaw nna woi shaw wa ai ngai hpe mu ai masha amyu baw ni a ka-ang e nye a amying nsang jahpoi kau shangun ai tai nga ai.

EZEKELA 20:44

Nye a arawng sadang hpe makawp maga na matu, ngai galaw ai shaloi, ngai nan dai Madu rai nga nngai hpe nanhte Israela amyu masha ni chye lu na marin dai, hpa majaw nga yang nanhte galaw ai n hkru n shawp lam hte n hkru ai amu ni a majaw hkam la ging ai hte maren ngai nanhte hpe di ai n rai. Dai Tsaw Htum ai Madu nan tsun nu ai.

EZEKELA 20:9

Rai ti mung, shanhte shanu nga ai masha amyu ni a man e, nye a amying jahpoi kau n hkrum mat hkra, shanhte hpe Egutu mung kaw nna woi shapraw la na, Israela amyu masha ni hpe ngai tsun ndau ni ai.

EZEKELA 36:21

Israela amyu masha ni du hkawm ai shara shagu hkan, nye a chyoi pra ai mying ningsang hpe jahpoi kau ya ma ai majaw, dai gaw ngai hpe myit tsang shangun nga ai.

YAWSHU 7:9

Hkanani masha ni hte ndai mung na masha nlang ndai lam hpe na na rai ma ai. Shaloi shanhte gaw anhte hpe sa wang nna masha hkum shagu hte hpe sat kau na mara ai. Dai hpang na a arawng sadang hpung shingkang makawp maga na matu nang kaning di na rai nga n ta?,” ngu nna tsun wu ai.

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.