ESAIA 48:2 - Jinghpaw Common Language Bible 2009

² Ti mung nang gaw chyoi pra ai mare a mare masha ni rai nga ga ai ngu nna mung, Israela a Karai Kasang ngu shamying ai Chyahtum Chyalai N-gun rawng ai dai Madu hta shamyet shanat ga ai ngu nna mung, gumrawng gumra tsun nga ndai.

Jinghpaw Hanson Version Bible

² chyoi pra ai mare mying hkan nna tinang hkum hpe shamying ai hte, Israela Karai Kasang hta shamyet shanat ai ni e, ndai lam madat mara mu: shi a mying gaw, Zaw nawng zaw wa up ai Yehowa rai nga ai.

ESAIA 48:2 ပူးပေါင်းရင်းမြစ်များ

NEHEMIA 11:1

Ningbaw ni gaw Yerusalem hta nga nga ma ai, naw ngam ai amyu masha ni hta na marai shi hta na dinghku langai mi chyoi pra ai Yerusalem de sa nga nga na matu hte naw ngam nga ai ni kaga kahtawng mare ni hkan sa nga na lam hpaida da ma ai.

NEHEMIA 11:18

Chyoi pra ai Yerusalem mare hta nga ai Lewi masha ni yawng 284 rai ma ai. Akub, Talamon hte shanhte a makyin jinghku ni yawng 172 rai ma ai.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 87:3

Karai Kasang a mare e, shi tsun dan ai na a mauhpa amu ni hpe madat u:

ESAIA 10:20

Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 47:4

Israela a chyoi pra ai Karai Kasang gaw anhte hpe shalawt mi ai, shi a amying gaw Chyahtum Chyalai N-gun rawng ai dai Madu rai nga ai.

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 51:15

“Ngai gaw dai Madu na a Karai Kasang rai nga nngai; ngai gaw panglai hka hpe kabrawng dat ai hte de a hka leng ni hpe hta shangun nngai. Nye a mying gaw Chyahtum Chyalai N-gun rawng ai dai Madu rai nga nngai!

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

YEREMIA 21:2

“Babelon Hkawhkam Nebuhkadneza hte shi a hpyen luksuk ni gaw mare hpe wang da nga ma ai majaw, anhte a matu dai Madu hpe chyeju hte naw tsun ya mi. Dai Madu gaw anhte a matu shi a lamik kumla lama mi shabyin dat nna Nebuhkadneza hpe htingnut mat wa shangun na ra ai.”

YEREMIA 44:26

Rai ti mung, ya chyawm gaw Egutu mung hta nga ai Israela amyu masha ni yawng hte e, dai Madu ngai nan nye a chyalai n-gun rawng ai amying hta ga shaka da sai ga hpe madat mu: ‘Ahkrung nga ai hte Tsaw Htum ai Madu a mying hte ngai dagam nngai,’ nga nna nye a mying gang let nanhte hta na langai wa mi mung dai ga shaka hpe galoi mung bai n tsun lu myit ga, ngai gaw nye a daru magam mying gang let dagam da ni ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MAHTE 27:53

Shanhte gaw lup ni hta na pru wa shajang nna, Yesu si ai kaw na bai hkrung rawt wa ai hpang, dai chyoi pra ai mare de shang ma ai rai nna, dai kaw masha law law wa shanhte hpe mu ma ai.

MAHTE 4:5

Shaloi Nat gaw Yesu hpe, dai Chyoi Pra ai Yerusalem Mare de woi wa nna Nawku Htingnu a tsaw dik ai nchyun e shadun da nhtawm,

ROMA 2:17

Nang gaw gara hku rai nga n ta? Nang gaw na a hkum hpe Yuda masha langai mi re ngu nna dai jep ai Tara hpe kam hpa let Karai Kasang hta gumrawng nga ndai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 22:19

Ndai laika hta rawng ai myihtoi ga ni hta na lama ma shaw kau ai wa kadai hpe mung, ndai hta ka da ai asak jahkrung ai hpun a asi sha lu na ahkang hte Chyoi Pra san seng ai Mare de shang sha lu na ahkang chyeju hpe, Karai Kasang shaw kau ya na ra ai.

TARA AGYI 17:13

Mihka gaw, “Ya chyawm gaw nye a hkinjawng tai ya ai Lewi masha langai mi lu nga nngai rai nna dai Madu ngai hpe ngamu ngamai shangun na gaw, ngai chye nngai,” ngu nna tsun wu ai.