ESAIA 48:17 - Jinghpaw Common Language Bible 2009

¹⁷ Nang hpe hkye la ai dai Madu Israela a chyoi pra ai Karai Kasang gaw ning nga tsun ai: “Ngai gaw na a mai kaja lam a matu nang hpe sharin achyin ya mayu ai wa hte nang hkawm sa mai ang ai lam hta nang hpe lakawn la ai wa dai Madu na a Karai Kasang rai nga nngai.

Jinghpaw Hanson Version Bible

¹⁷ Nang hpe Hkye hkrang la ai wa, Israela Chyoi pra ai wa Yehowa ning nga ai: “Ngai gaw, na a akyu matu nang hpe sharin achyin ya nna, nang mai hkan ai lam hta nang hpe lakawn wa ai, na a Karai Kasang Yehowa rai nga nngai.

ESAIA 48:17 ပူးပေါင်းရင်းမြစ်များ

NINGPAWT NINGHPANG 24:48

Ngai mung hput di nna dai Madu hpe nawku nngai. Nye a madu a shadang sha a matu dai shayi sha hpe ngai sa mu ai shara ngu ai nye madu a amyu bawsang hpang de ading sha woi sa wa ai nye madu Abraham a Karai Kasang dai Madu hpe shakawn kungdawn nngai.

1 HKAWHKAM 8:36

shanhte a hpyi nem ai ga hpe sumsing lamu hta madat mara ya u. Hkawhkam wa hte Israela amyu masha ni a shut kau ai yubak mara ni hpe mara dat ya u. Jaw ai amu hpe galaw na shanhte hpe sharin ya u law. O Madu e, na a amyu masha ni hpe nang jaw da ai htani htana sali ga ngu ai ndai na a lamu ga ntsa e marang jahtu ya mi law.

YOBA 36:22

Karai Kasang a daru magam n-gun kade kaba nga ai hpe dum u; shi gaw yawng hta kaba htum ai sara rai nga ai.

SHAKAWN KUNGDAWN 25:12

Madu hpe madat mara ai ni gaw shanhte hkan sa ra ai lam ni hpe shi kaw nna sharin la na mara ai.

SHAKAWN KUNGDAWN 32:8

Dai Madu gaw, “Nang hkawm sa ang ai lam ngai nang hpe sharin ya na nngai, ngai nang hpe hpaji jaw nna sharin matsun na nngai.

SHAKAWN KUNGDAWN 71:17

Ngai brang ram prat naw rai nga ai aten kaw nna nang ngai hpe sharin ya nit dai; na a mauhpa magam amu ni hpe ya du hkra, ngai tsun dan nga nngai.

SHAKAWN KUNGDAWN 73:24

Na a sharin matsun ai ga hte ngai hpe nang woi lakawn wa nna; nang ngai hpe hpang jahtum na aten hta hpung shingkang hte hkap la na ndai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 28:9

Shanhte gaw ngai hte seng ai lam hta aput angun rai ma ai. Shanhte gaw, “Shi kadai hpe sharin achyin ya nga ai gaw kadai hpe rai nga a ta? Shi a mungga hpe kadai wa ra marit nga ma ta? Dai gaw ya sha chyu jahka kau sai ma ni a matu chyu sha mai kaja nga ai!

ESAIA 30:20

Dai Madu gaw nanhte hpe nni nkri hkrum shangun nga ai, rai ti mung shi nan dai shara hta nanhte hpe sharin achyin ya na matu nga nga na ra ai, nanhte gaw shi hpe loi mi mung hkan tam la ra na ra ai n rai.

ESAIA 30:21

Nanhte gaw hkra de, pai de lam yit wa ai rai yang, nanhte a shingdu e, “Ndai gaw lam rai nga ai, de a hpang hkan mu,” ngu nna shaga ai shi a nsen hpe na lu na rai myit dai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

ESAIA 43:16

Dai Madu gaw moi de, panglai hku nmaw lam waw nna, hka duwai hku lam hpaw ya nu ai.

ESAIA 45:11

Du na ra ai aten hpe hkrang shapraw ai dai Madu Israela a chyoi pra ai Karai Kasang gaw ning nga tsun ai: “Nye a kashu kasha ni hte seng nna san na ahkaw ahkang mung, ngai galaw ang ai amu ngai hpe tsun na ahkaw ahkang mung nang hta n nga nga ai!

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 54:13

“Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

ESAIA 54:8

Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

YAWHAN 6:45

Myihtoi laika ni hta, ‘Masha shagu gaw Karai Kasang a sharin achyin ai lu la na mara ai,’ ngu nna ka da nga ai. Dai rai nna, nye Wa tsun ai ga hpe na la nna shi kaw na sharin achyin hkam la ai wa kadai mung ngai hpang de du sa ai.

EHPESU 4:21

Shi a lam hpe nanhte kaja wa na yu manit dai hte Hkristu a hpang hkan nang ai ni rai nga myit dai rai nna Hkristu hta rawng ai dai teng man ai lam hpe nanhte sharin la manit dai.

YAWSHU 3:4

Nanhte gaw shawng de galoi mung ndai lam hku garai n lai yu myit dai majaw gara lam hku hkawm sa na lam shanhte lam madun dan na mara ai. Rai ti mung Ga Shaka Sumpu de shani lu na myit dai n rai; Sumpu a hpang deng ka-ang hkup gang nna hkan nang na rai myit dai,” ngu nna tsun mu ai.