ESAIA 48:15 - Jinghpaw Common Language Bible 2009

¹⁵ Ngai gaw shi hpe tsun ai wa hte shaga ai wa rai nga nngai; ngai gaw shi hpe lakawn ai hte awng dang lam jaw nngai.

Jinghpaw Hanson Version Bible

¹⁵ Ngai nan mungga hkang da ni ai; gaja wa, ngai shi hpe shaga ni ai: ngai gaw shi hpe lakawn wa nna, shi gaw shi a lam hta awng wa na ra ai.

ESAIA 48:15 ပူးပေါင်းရင်းမြစ်များ

SHAKAWN KUNGDAWN 45:4

Teng man ai hte rap ra ai tara hpe makawp maga let awng dang ai kaw du hkra, hpung shingkang hta jawn sa wa u! Na a n-gun gaw nang hpe galu kaba ai awng padang ninglaw ni hpe hkam la shangun na ra ai.

ESAIA 41:2

“Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

YEREMIA 50:21

Dai Madu gaw, “Merahtam hte Pekod masha ni hpe gasat mu. Shanhte hpe sat shamyit kau mu. Ngai hkang da mada hte maren galaw mu; dai Madu ngai nan tsun ni ai.

EZEKELA 1:2

(Dai gaw Hkawhkam Yehoiahkin bawng rim hkrum mat wa ai manga ning na ai hpang byin wa ai lam rai nga ai.)

YAWSHU 1:8

Nanhte a nawku hpawng hta ndai tara laika hpe teng teng ahti nga lu na rai nga ai. Dai hpe shani shana hti yu nhtawm dai hta ka da mada yawng hpe nang teng teng madat mara hkan sa lu na rai ndai. Shaloi nanhte ngamu ngamai wa nna awng dang lu na rai myit dai.