ESAIA 48:14 - Jinghpaw Common Language Bible 2009

¹⁴ “Nanhte yawng zup hpawng ai hte madat mu! Ngai lata da sai masha wa gaw Babelon hpe gasat na lam karai ni kadai mung tau tsun lu ma ai n rai; shi gaw ngai shi hpe galaw shangun mayu ai amu hpe galaw na ra ai.

Jinghpaw Hanson Version Bible

¹⁴ Nanhte yawng zuphpawng nna madat mara mu: shanhte hta na, ndai amu ni hpe, kadai chye tsun a ta? Yehowa tsawra ai wa gaw, Babelon mare ntsa e shi a myit shadik ya nna, shi a lata gaw Hkalde masha ni a ntsa e du na ra ai.

ESAIA 48:14 ပူးပေါင်းရင်းမြစ်များ

NINGPAWT NINGHPANG 49:1

Yaku gaw shi a shadang sha ni hpe shaga la nna, “Nang e grup rai wa hpawng yu mu; du na ra ai aten nanhte hta hpa byin wa na lam, ngai nanhte hpe tsun dan made ga:

NINGPAWT NINGHPANG 49:2

“Yaku a shadang sha ni e, rau wa hpawng nna madat la mu. Nanhte a kawa Israela a ga hpe madat la mu.

ESAIA 13:19

Babelon mung gaw yawng hta tsawm htap htum ai mungdan rai nga ai; dai mungdan gaw de a mung masha ni a matu arawng lu nga ai. Rai ti mung dai Madu ngai gaw Sodom hte Gomora hpe galaw ai zawn Babelon hpe jahten kau na nngai!

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

ESAIA 41:22

Ndai de sa nna hpa byin wa na lam tau tsun yu mu, shaloi anhte gaw dai amu galoi byin wa na hpe chye lu na ga ai. Lai sai aten na mabyin lam ni hpe tara rung de tsun shaleng dan mu, shanhte kaning rai lachyum shapraw ai lam anhte hpe tsun dan mi.

ESAIA 43:9

Tara jeyang hkam na matu masha amyu baw ni hpe shaga dat mu. Shanhte a karai ni hta na gara mahtang du na ra ai aten a lam hpe tau tsun lu a ta? Shanhte hta na kadai mahtang ya hpa byin nga ai lam hpe tau tsun da nga sani? Ndai karai ni gaw shanhte teng man nga ai lam sakse madun na matu mung, shanhte tsun ai ga a teng man ai lam hpe sakse hkam na matu shanhte a sakse ga ni hpe shapraw mu ga.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 44:7

Ngai galaw ai amu hpe kadai wa lu galaw nga a ta? Shawng npawt kaw nna hpang jahtum aten du hkra byin nga sai lam yawng hpe kadai wa tau tsun lu nga a ta?

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

YEREMIA 50:44

“Hkanghkyi gaw htat ai maling kata kaw na gumlawt pru wa ai zawn, Yawdan hka mayan kaw nna lahta de tsit lali ai udat shara du hkra dai Madu ngai nan du hkawm nna, Babelon masha ni hpe shanhte a mare kaw nna akajawng sha hprawng pru shangun na nngai. Dai hpang, ngai san da ai ningbaw wa gaw dai amyu baw hpe up hkang na ra ai. Ngai hpe kadai hte shabung lu nga a ta? Ngai hpe kadai wa dakat lu na rai ta? Ngai hpe kaning re ai ningbaw wa ninghkap lu yu a ni?

MARKU 10:21

Yesu shi hpe tsaw ra ai hte azi yu let, “Lam langai mi sha nang naw ra nga ndai: nang wa su, nang lu malu hpe dut kau nna, matsan mayan ni hpe karan jaw u. Shing rai jang sumsing lamu ntsa e nang sut gan lu na rin dai; dai hpang ngai kaw sa nna hkan nang rit,” ngu nna shi hpe san wu ai.