ESAIA 47:5 - Jinghpaw Common Language Bible 2009

⁵ Dai Madu gaw Babelon hpe, “Atsin sha hte nsin e dung nga u; shanhte gaw nang hpe masha amyu baw ni a hkawhkam jan ngu nna, galoi mung tsun na mara ai n rai!

Jinghpaw Hanson Version Bible

⁵ Hkalde a shayi sha e, nsin sin ai shara e shang nna, atsin sha dung nga u: ya kaw nna nang hpe, Mungdan ni a du jan, n nga na masai.

ESAIA 47:5 ပူးပေါင်းရင်းမြစ်များ

SHAKAWN KUNGDAWN 31:17

Madu e, nang hpe ngai shaga nngai rai nna; ngai hpe kaya kahpa hkum jahkrum et. Tara n lang ai ni gaw kaya kahpa hkrum nga mu ga, katsan ga de atsin sha shanhte yu mat wa mu ga.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

ESAIA 13:10

Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

ESAIA 14:23

Ngai gaw Babelon hpe hka ing ai shara shatai kau na nngai, u hku ni gaw dai yang hkan nga na mara ai. Ngai gaw Babelon hpe maza mala mahkra ye kau ai dun-ye hte ye kau na nngai. Chyahtum Chyalai N-gun rawng ai dai Madu Ngai nan tsun ni ai,” nga nna tsun wu ai.

ESAIA 14:4

Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

ESAIA 23:2

Sidon hpaga masha ni e, hkrap sharung nga mu! Nanhte gaw panglai rap nna Egutu mung hta pru ai nsi naisi ni hpe dut mari nna masha amyu baw ni yawng hte hpaga amu galaw na matu dat kasa ni dat dat nga myit dai.

ESAIA 47:1

Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

YEREMIA 25:10

Ngai gaw shanhte a kabu gara jahtau ai nsen, mani pyaw ai nsen, kabu gara ai hkungran poi lusha sha ai nsen ni hpe jasim kau na we ai. Shanhte a pyengdin ni a matu wan sau lu na mara ai n rai, dai sha n-ga, lusha hpa mung nga na ra ai n rai.

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.

SHINGRAN 17:18

“Nang mu ai numsha gaw, mungkan hkawhkam ni hpe up ai mare kaba rai nga ai,” nga nna ngai hpe tsun ai.

SHINGRAN 18:7

Tinang hkum hpe shagrau shareng nna ningngai lu sai shadawn shadang hte maren, shi hpe dai yawn hkyen ai hte nni nkri lam htang jaw mu. Hpa majaw nga yang, shi gaw, ‘Ngai hkawhkam jan nang e hkaw dung nga nngai! Ngai gaida jan n rai, ngai galoi mung yawn hkyen ai n hkrum na nngai!,’ nga nna tinang dai atsun nga ai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.