ESAIA 47:15 - Jinghpaw Common Language Bible 2009

¹⁵ Na a prat tup hta nang bawng jahkrup ai gumhpan hpan ai sara ni gaw na a matu mai kaja ai lam yawng mayawng galaw ya na mara ai. Shanhte yawng gaw nang hpe kau da nna shanhte a lam de sa mat wa na mara ai, nang hpe hkye la na matu kadai mung nga na n rai,” nga nna tsun ai.

Jinghpaw Hanson Version Bible

¹⁵ Shing rai nang shakut sharang ai amu hta nang hten byak hkrum na ndai: na a ram prat kaw nna nang hte hpaga ga ai ni langai hte langai gaw tinang a buga de hprawng wa nna, nang hpe hkye la na wa n nga na sai.

ESAIA 47:15 ပူးပေါင်းရင်းမြစ်များ

ESAIA 43:13

Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

ESAIA 46:7

Shanhte gaw dai hpe lahpa hta mara nna hpai ma ai; shanhte gaw dai hpe san da ai shara hta tawn da ai rai nna dai shara e n htawt ai sha tsap nga ai. Marai langai ngai dai kaw akyu hpyi yang, htan ya ai n rai, shanhte hpe tsin-yam tsindam kaw na hkye la lu ai n rai.

ESAIA 47:13

Nang gaw hpaji jaw ga lu ti mung daru magam n-gun kata rai nga ndai. Na a gumhpan hpan sara ni, shagan hpe hka ja ai ni hte shata langai hpang langai du na ra ai aten na gumhpan hpan ai ni gaw shawng de sa nna nanhte a ntsa e byin na ra ai lam kaw na hkye la shangun mu.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.