ESAIA 47:11 - Jinghpaw Common Language Bible 2009

¹¹ Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.

Jinghpaw Hanson Version Bible

¹¹ Dai re ai majaw, tsin-yam tsindam na a ntsa e du nna, dai kanang na pru ai gaw, nang n chye ndai: shoihpa shoirang na ntsa e hkrat bun nna, nang dai hpe gang kau lu na n rai: nang n dum shami e, hten byak ai gaw na a ntsa e akajawng sha du na ra ai.

ESAIA 47:11 ပူးပေါင်းရင်းမြစ်များ

NEHEMIA 4:11

Anhte a gumlau hpyen ni mung, anhte hpa byin nga sai hpe n mu, n chye nga ai laman, shanhte anhte hpang de sa nna, anhte hpe sat kau nhtawm anhte a amu hpe jahtum kau shangun lu na re zawn myit nawn da ma ai.

SHAKAWN KUNGDAWN 35:8

Rai ti mung, shanhte gaw n dum shami naw rai nga yang, hten byak ai hkrum na mara ai; shanhte hkam da ai mahkam hta shanhte nan lu nna, hten byak ai hkrum na mara ai!

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 55:15

Nye a gumlau hpyen ni gaw shanhte a aten garai n du yang si htum mat mu ga; shanhte gaw katsan ga de jahkrung sa mat wa mu ga! Dai n hkru n shawp ai gaw shanhte a dum nta ni hte shanhte a myit kraw lawang ni hta rawng nga ai.

SHAKAWN KUNGDAWN 73:19

Shanhte gaw shaloi jang, jahten shabyak kau ai hkrum nga ma ai; shanhte a hpang jahtum na lam gaw hkrithpa shara rai nga ai.

GA SHAGAWP 13:21

Ruyak tsin-yam gaw yubak kap ai masha ni kaw, shara shagu hta hkan nang nga ai; ding hpring ai masha ni chyawm gaw mai kaja ai arai hpe hkam la lu na mara ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 29:5

Yerusalem e, nang hpe gasat ai maigan masha ni yawng ga nhpu zawn gawut shapoi kau ai hkrum na mara ai, hkrit kajawng na zawn re ai shanhte a hpyen luksuk ni gaw yihku zawn poi mat wa na mara ai. Akajawng sha hte n myit mada ai aten hta

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

ESAIA 57:1

Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

YEREMIA 51:29

Dai Madu gaw Babelon mung hpe masha kadai n shanu ai hte katsi katsang shara tai mat na matu maw mawn nga ai majaw mungkan ga gaw gari ashun nga ai.

YEREMIA 51:43

Dai mung na mare ni gaw yu hkrit hpa shara tai mat nna, hka mung n nga ai ahkun ahkraw re ai zaibru jang zawn rai mat sai, kadai mung n shanu nga ai, kadai pyi n lai hkawm sai.

YEREMIA 51:8

Babelon mung gaw akajawng sha kadawng daw mat ai hte hten run mat sahka! Shi a matu sharung shayawt nga mu! Shi a hkala nba hpe shamai shatsai ya lu dam nhten, tsi hkrung tsi nan la wa marit.

SHARUNG SHAYAWT 1:21

“Nye a madai sharung ai nsen ni hpe madat ya et; ngai hpe shalan shabran la na langai mi mung n nga nga ai. Nang gaw nye a ntsa e ru yak tsin-yam tsindam shapraw dat nit dai majaw, nye a gumlau hpyen ni kabu nga ma ai. Nang ga sadi tawn da ai nhtoi hpe shadu nna, ngai hkam sha ai zawn nye a gumlau hpyen ni hpe nni nkri hkam sha shangun u.

EZEKELA 7:26

Tsin-yam tsindam gaw langai a hpang langai hkan nang nhtawm angwi ngwi sha yan pru wa ai n kaja ai shiga ni mung paw pru wa na ra ai. Myihtoi ni shanhte tau mu chye tawn ai lam ni hpe hpaw shaleng dan na matu nang hpyi lajin na ndai. Hkinjawng ni mung amyu masha ni hpe sharin achyin na lam hpa mung mu na mara ai n rai, salang ni mung hpaji n chye jaw na mara ai.

MAHTE 18:34

Hkawhkam wa mung masin pawt nna, shi hka wa ma ai ten du hkra ari jaw na matu htawng hta e bang da wu ai.”

LUKA 12:59

Nang hpe ngai tsun de ga, Hka pyeksan lap mi mung n ngam hkra, garai n wa ma ma gaw, dai kaw nna nang pru wa lu na ndai n rai.”

LUKA 17:27

Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

SHINGRAN 3:3

Dai re ai majaw, nang hpa baw sharin hkam la lu sai hte, na la lu ai lam hpe bai dum u; dai hpe madat mara nna, na a yubak mara ni kaw na myit malai kayin wa u. Nang n maja nga taw gaw, lagu lagut zawn ngai nang kaw du na ring ngai; gara aten e ngai nang kaw du sa na ra ai hpe pyi nang n chye na ndai.