ESAIA 47:10 - Jinghpaw Common Language Bible 2009

¹⁰ “Nang gaw na a n hkru ai amu hta nang nan myit machyu nga ndai; kadai mung nang hpe n mu lu ma ai ngu, nang myit nawn la nga ndai. Na a hpaji byeng-ya hte machye machyang gaw nang hpe lam woi shadam kau nga sai. nang gaw na a kraw kata hta, ‘Ngai gaw Karai Kasang rai nga nngai, ngai hte bung ai mi kadai n nga nga ai,’ nga nna tsun ndai.

Jinghpaw Hanson Version Bible

¹⁰ Nang gaw na a n hkru ai hta machyu nga ndai: Ngai hpe kadai n mu ai, nga nna nang tsun nit dai; na a hpaji byeng-ya hte na a nyan gaw, na a myit hpe gale kau ya nna, ‘Ngai rai nga nngai, ngai hta kaga kadai n nga ai,’ nga nna na a kraw e nang tsun nit dai.

ESAIA 47:10 ပူးပေါင်းရင်းမြစ်များ

SHAKAWN KUNGDAWN 10:11

Tara n lang ai wa gaw, “Karai Kasang nga ai n rai! Shi gaw shi a myi ni hpe di da nu ai hte, ngai hpe galoi mung mu na ra ai n rai,” nga nna shi hkum shi tsun nga ai.

SHAKAWN KUNGDAWN 52:7

“Yu u, ndai yang e, shi a shim lam a matu Karai Kasang hpe n kam hpa ai sha, de a malai shi a law la ai sut gan hte n hkru n shawp ai amu hta shim lam tam nga ai masha langai mi, nga nga ai,” nga nna tsun ma ai.

SHAKAWN KUNGDAWN 64:5

Shanhte gaw n hkru ai amu hpe galaw maw mawn ai lam hta shanhte shada da n-gun jaw hkat nga ma ai; shanhte a mahkam ni hpe gara shara ni hta hkam da yang mai na lam, shanhte tsun jahta nga ma ai. Shing rai, shanhte gaw, “Dai mahkam ni hpe kadai mung mu lu na n rai,” nga nna tsun ma ai.

HPAJI NINGLI 8:8

Kadai mung tinang hkum hpe n si shangun lu ai n rai; tinang a si nhtoi hpe htawt sit kau lu ai n rai. Si hkrung si htan gaw hpyen majan kaw na hprawng lawt lu ai n rai, kadai mung n hkru ai amu a shingdu e makoi nga lu ai n rai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 29:15

Dai Madu n mu lu hkra nga, shanhte a maw mawn ai lam ni hpe makoi shakut ai ni gaw dingnye hkrum nga ma ai! Shanhte gaw shanhte a da da ai amu ni hpe mayun galaw ai hte dai amu hpe kadai mung n mu, shanhte hpa galaw nga ma ai hpe n chye ma ai ngu, myit nawn ma ai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 47:8

“Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

ESAIA 5:21

Nang gaw dingnye hkrum nga ndai! Nang gaw hpaji rawng ai wa, grai ram dum ai wa hku nna nang myit nawn la nga ndai.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

EZEKELA 8:12

Karai Kasang gaw ngai hpe, “Si chye ai masha wa e, Israela ningbaw ni gaw machyi shim ai shara hta hpa galaw nga ma ai hpe nang mu n ni? Shanhte yawng hte gaw hpara sumla ni hte hpring nga ai gawk kata hta nawku nga ma ai. Shanhte a mara lawt ga gaw, ‘Dai Madu anhte hpe n mu ai! Shi gaw dai mungdan hpe kau da nu ai!,’” nga nna tsun ma ai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

1 KORINHTU 3:19

Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, “Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.”