ESAIA 47:1 - Jinghpaw Common Language Bible 2009

¹ Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

Jinghpaw Hanson Version Bible

¹ Babelon shayi hkawnsek e, yu wa nna ga nhpu hta dung u; Hkalde a shayi sha e, tingnyang hta n re ai sha, ga hta dung u: htawm hpang de nang hpe, Nu nu nai nai re ai jan, n ngu na masai.

ESAIA 47:1 ပူးပေါင်းရင်းမြစ်များ

YOBA 2:13

Dai hpang shi hkrum sha nga ai nni nkri kade kaba nga ai hpe shanhte mu ma ai majaw, shanhte gaw dai yang na ga ntsa e shi hte rau sanit ya sanit na tup ga hkaw mi mung n shaga ai sha rau dung nga ma ai.

YOBA 2:8

Yoba gaw Shi a krwi jap ni hpe ahkut kau na nga, di chyen langai mi la nna shanut sumpum makau e sa dung nga ai.

SHAKAWN KUNGDAWN 137:8

Babelon e, nang gaw jahten kau ai hkrum na rin dai. Anhte hpe nang galaw mi ai hte maren, nang hpe bai tai lu ai wa gaw a nga ai.

SHAKAWN KUNGDAWN 18:27

Shagrit shanem ai myit rawng ai ni hpe nang hkye hkrang la nga ndai; rai ti mung gumrawng gumtawng myit rawng ai ni hpe nang shagrit kau nga ndai.

SHAKAWN KUNGDAWN 89:44

Shi a hkawhkam sumdoi hpe nang la kau ya nna; shi a hkawhkam tingnyang hpe ga de kadawng kau ya nit dai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 13:13

Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 21:1

Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

ESAIA 23:12

Sidon mare e, Na a kabu gara ai gaw htum mat nit dai, na a masha ni dip gamyet sha hkrum nga masai. Shanhte Kupru de hprawng lawt mat wa ai rai yang pyi, shanhte naw shim lum na mara ai n rai.

ESAIA 26:5

Shi gaw gumrawng gumtawng ai ni hpe shagrit kau nu ai; shanhte shanu nga ai ngang kang ai mare hpe shi jahten kau nu ai, de a bunghku ni hpe ga nhpu tai mat hkra agrawp mani kau nu ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 37:22

dai Madu gaw, “Senahkerib e, Yerusalem mare gaw nang hpe mani ai hte mani asawng nga ai.

ESAIA 52:2

Yerusalem e, nang nan ndut ndang ashun nga u! Ga nhpu kaw na rawt nhtawm na a tingnyang hta dung u! Ziun a bawng dung amyu masha ni e, nang hpe gyit ai sumri ni hpe raw kau u!

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

YEREMIA 46:11

Egutu masha ni e, Gilead mung de lung wa nna, dai yang e, tsi mawan tam la mu! Na a tsi mawan yawng gaw akyu n rawng ai hpe sha sakse madun nga ai; hpa hte mung nang hpe tsi shamai ya lu ai n rai.

YEREMIA 48:18

Dibon shara hta shanu nga ai nanhte gaw, nanhte a arawng sadang shara kaw na hkrat nhtawm ga ntsa na ga nhpu hta e dung nga mu; Moba hpe jahten sharun ai wa gaw ndai shara hta nga nga nna; shi a hpyen dap ni hpe sharun jahten kau na wu ai.

YEREMIA 50:1

Ndai gaw Babelon mare hte de a mare masha ni hte seng nna dai Madu ngai hpe tsun ai mungga rai nga ai:

YEREMIA 50:42

Shanhte gaw shanhte a ndan ni hte nhtu ni hpe shaw da manu ai; shanhte gaw gumshem ai hte matsan n chye dum ma ai. Shanhte gumra ni jawn sa wa ma yang, dai nsen gaw panglai hka wu kadu ai zawn rai nga ai. Shanhte gaw Babelon hpe gasat na jin jin rai nga masai.

YEREMIA 51:1

Dai Madu gaw, “Ngai hpe Babelon mung hte dai mung na masha ni hpe hkap daw na matu jahten shaza lu ai nbung bung shangun wu ai.

YEREMIA 51:33

Kade n na yang, hpyen wa gaw shanhte hpe kran kadang kau nna chyarang pa ntsa e mam kabye ai zawn shanhte hpe kabye anut kau na mara ai. Chyahtum Chyalai N-gun rawng ai dai Madu Israela a Karai Kasang ngai tsun ni ai,” ngu nna tsun ai.

YEREMIA 51:51

Nanhte gaw, ‘Nawku Htingnu kata na chyoi pra ai shara ni hpe maigan masha ni e madu sha kau mu ai majaw, anhte gaw myi man sum ai hte kaya kahpa di hkrum nga saga ai; anhte gaw dik hkra garen gari rai hkam sha saga ai,’ ngu nna tsun myit dai.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

SHARUNG SHAYAWT 2:21

Shabrang ni hte numsha ni n nga nmaw lam hkan e si kadawng taw nga ma ai, Shabrang ni hte numsha ni mung gumlau hpyen wa a nhtu ni hte sat kau hkrum nga masai. Na a pawt sindawng ai shani e, shanhte hpe matsan n dum ai sha, nang htau sat kau nit dai.

SHARUNG SHAYAWT 4:5

Lang mi mu mai htum ai lusha ni sha yu sai masha ni gaw lusha kyet ai majaw nmaw lam hkan e si taw nga ma ai; pyaw hpa lam hta len yu sai ni gaw lusha a matu shanut shanaw hkan tam mahkai hta nga ma ai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.

YONA 3:6

Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

HAGI 2:22

mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

SHINGRAN 18:7

Tinang hkum hpe shagrau shareng nna ningngai lu sai shadawn shadang hte maren, shi hpe dai yawn hkyen ai hte nni nkri lam htang jaw mu. Hpa majaw nga yang, shi gaw, ‘Ngai hkawhkam jan nang e hkaw dung nga nngai! Ngai gaida jan n rai, ngai galoi mung yawn hkyen ai n hkrum na nngai!,’ nga nna tinang dai atsun nga ai.