ESAIA 46:2 - Jinghpaw Common Language Bible 2009

² Hpara sumla ni gaw shanhte hkum hpe nan n lu hkye la nga ai; shanhte gaw rim hkrum nna woi mat wa hkrum ma ai. Ndai gaw Babelon karai ni a matu jahtum rai nga ai!

Jinghpaw Hanson Version Bible

² shan gaw gum dagup nna rau agrawp kau ai hkrum ma ai; dai lit hpe shan n shaw la lu ai hte, tinang hkum nan bawng dung hkrum nga ma hka!

ESAIA 46:2 ပူးပေါင်းရင်းမြစ်များ

2 SAMUELA 5:21

Dai yang kaw nna Hpilisti masha ni hprawng mat wa ma yang, shanhte a hpara sumla ni kau da ma ai rai nna Dawi hte shi a masha ni dai ni hpe magawn la mat wa ma ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

ESAIA 37:12

Nye a kaji kawa ni gaw Gozan, Haran, hte Rezep mare ni hpe jahten kau nna Telesa mung hta nga ai Behteden masha ni hpe sat kau manu ai, shanhte a karai ni kadai mung shanhte hpe n lu hkye la ma ai.

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

ESAIA 44:17

Naw ngam nga ai hpun daw hpe hpara sumla langai galaw nna, shi gaw dai hpe gum dagup ai hte nawku nga ai. Shi gaw dai hpe akyu hpyi let, “Nang gaw nye a karai rai nga ndai, ngai hpe hkye la rit!,” ngu nna tsun ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

YEREMIA 48:7

“Moba e, nang gaw na a n-gun hte sut gan hpe kam hpa nga ndai, rai ti mung, ya chyawm gaw nang hkrat sum mat nit dai; na a Hkemosha hpara mung shi a hkawhkam shadang sha ni hte hkinjawng ni hte hpawn bawng rim la hkrum na mara ai.

YEREMIA 51:47

Babelon a hpara sumla ni hte ngai hkrum kadup na aten du ra ai. Shaloi mungdan ting gaw jahpoi jahpyak ai hkrum nna mung masha ni yawng sat kau ai hkrum na mara ai.

Daniela 11:8

Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

TARA AGYI 18:24

Mihka mahtang, “Hpa baw wa rai sata?,” nga ai gaw nanhte kaning ngu lachyum shapraw mayu nga myit ni? Ya nanhte gaw nye a hkinjawng hte ngai tawk ai hpara sumla hpe la mat wa myit dai. Dingsa sa hpai mat wa myit hka! Ngai hta hpa naw nga sata?,” ngu nna htan wu ai.

1 SAMUELA 5:3

Hpang jahpawt jau jau e, Ashdod masha ni rawt yu mu yang, dai Madu a Ga Shaka Sumpu man e Dagon sumla mahtang ga ntsa de man yawng let dagup taw nga ai hpe mu ma ai. Dai rai nna, shanhte gaw dai hpe bai sharawt la nhtawm shi a shara hta bai tawn da ma ai.