ESAIA 46:1 - Jinghpaw Common Language Bible 2009

¹ Ndai gaw Babelon karai ni a matu jahtum rai nga ai! Bela hte Nebo yan hpe lang mi nawku yu masai, rai ti mung, ya chyawm gaw dai ni gaw lawze ni a ntsa e daw mara ai hte, hki ba ai yam nga shingma a matu lit rai nga sai.

Jinghpaw Hanson Version Bible

¹ Bela gaw gum dagup nga ai. Nebo gaw agrawp mat sai! De a sumla ni gaw matse labye ni hte yamnga ni a ntsa e mara nga ma ai: nanhte hpai hkawm ai arai ni gaw hki ba ai yamnga ni a matu lit tai wa sai.

ESAIA 46:1 ပူးပေါင်းရင်းမြစ်များ

YOBA 39:11

Shi a n-gun hpe nang kam nna na a li la ai amu galaw shangun na myit mada lu na n ni?

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

ESAIA 2:20

Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 46:7

Shanhte gaw dai hpe lahpa hta mara nna hpai ma ai; shanhte gaw dai hpe san da ai shara hta tawn da ai rai nna dai shara e n htawt ai sha tsap nga ai. Marai langai ngai dai kaw akyu hpyi yang, htan ya ai n rai, shanhte hpe tsin-yam tsindam kaw na hkye la lu ai n rai.

YEREMIA 10:5

Dai zawn tawk da ai hpara sumla ni gaw ginshau yi hta u ni hpe jahkrit ai u shari sumla ni zawn rai nna, shanhte ga lu shaga ai n rai; shanhte n lu hkawm ai majaw, shanhte hpe hpai hkawm ra nga ai. Dai ni hpe hkum hkrit et, shanhte nang hpe ru yak jahkrum lu ma ai n rai, shanhte na a matu kaja ai amu hpa mung n galaw ya lu ma ai,” ngu nna tsun ai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 50:38

Dai mung a ntsa e jan gri ai hte dai mung na hka nu ni hkun hkraw mat na ra ai. Babelon mung gaw hkrit hpa hpara sumla ni nga ai mung re, dai gaw mung masha ni hpe angawk angak di kau nga ai.

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

YEREMIA 51:47

Babelon a hpara sumla ni hte ngai hkrum kadup na aten du ra ai. Shaloi mungdan ting gaw jahpoi jahpyak ai hkrum nna mung masha ni yawng sat kau ai hkrum na mara ai.

YEREMIA 51:52

Dai rai nna, Ngai gaw Babelon hpara sumla ni hte hkrum kadup na aten du ra ai rai nna, hkala nba hkrum ai ni gaw mungdan ting hta madai sharung na mara ai, ngu nna ngai tsun ai.

Daniela 11:8

Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

Daniela 3:14

Shi gaw shanhte hpe, “Shadrak, Meshak, hte Abednego hte e, nanhte gaw nye a karai hpe n nawku hkraw ai hte ngai shadun da ai ja hkrang sumla hpe n gum dagup myit dai gaw teng nga myit ni?

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

BU HKAWM 32:38

Nebo, Bela Meon ni hte Sibma mare ni hpe de ma ai. Shanhte bai de da ai mare ni hpe mying nnan hte galai shamying da ma ai.

MAHTE 23:4

Shanhte gaw li la ai hte hpai yak ai lit hpe masha shingma hta gyit shakap mara da nhtawm, shanhte gaw tinang a yunghkyi hte sha pyi n kam mala sharawt karum mayu ma ai.

1 SAMUELA 5:3

Hpang jahpawt jau jau e, Ashdod masha ni rawt yu mu yang, dai Madu a Ga Shaka Sumpu man e Dagon sumla mahtang ga ntsa de man yawng let dagup taw nga ai hpe mu ma ai. Dai rai nna, shanhte gaw dai hpe bai sharawt la nhtawm shi a shara hta bai tawn da ma ai.